Actualitats
Giannis Varoufakis: “La nòstra Eurozòna es un luòc incomòde per las personas decentas”
Segon l’èx-ministre, “l’Eurogrop es totalament contrarotlat per Alemanha, a pas d’existéncia legala, respond pas davant degun, i a pas de comptes renduts de las reünions, e es confidencial”
L’Eurogrop seriá “totalament e absoludament” contrarotlat per Alemanha, segon las declaracions de l’èx-ministre grèc de las finanças Giannis Varoufakis dins una entrevista per la revista New Statesman, que se faguèt qualques jorns après la demission d’aquel èx-ministre, mas qualques jorns abans que Grècia signèsse lo pache amb los creditors.
“La nòstra Eurozòna es un luòc incomòde per las personas decentas”, çò diguèt Varoufakis en afirmant que l’estonariá pas que lo primièr ministre Alexis Tsipras acceptèsse un “acòrdi fòrça marrit”. “Compreni que se sentisca obligat amb los que nos an donat lor sosten e que vòlga pas que lo nòstre país venga un estat en quincanèla. Mas vau pas cambiar mon vejaire, qu’es lo meteis dempuèi 2010, que Grècia deu quitar d’ajornar e de far semblant, nos cal arrestar de demandar de nòus crèdits e far semblant qu’avèm resolgut lo problèma, quand es pas vertat, quand lo nòstre deute es encara mens sostenable amb de nòvas mesuras d’austeritat qu’enfonzan encara mai l’economia, e lo pes tomba de mai en mai suls qu’an pas res, amb una inevitabla crisi umanitària. Soi pas dispausat a o acceptar. Que compten pas amb ieu”.
Segon l’èx-ministre grèc de las finanças, un acòrdi de tèrme cort, amb tres o quatre reformas, se seriá pogut signar pauc après que Syriza arribèsse al poder en genièr. Pasmens, l’autre costat “insistiguèt sus un acòrdi global, es a dire, en parlar de tot, que segon mon opinion, equival a voler parlar de pas res”. “O volián tot tre lo primièr moment. Diguèron que s’aprovàvem quina lei que foguèsse, o considerarián una accion ostila e dirián als mèdias que lor fasiam pèrdre de temps. Èra una autentica trapèla”.
Per Varoufakis, lo màger problèma del foncionament de l’Eurogrop —que segon el es totalament contarotlat per Alemanha— es que se tracta d’“un grop sens existéncia legalament reconeguda, sens un tractat que lo sostenga, mas amb un poder maximal per decidir sus la vida dels europèus. Respond pas davant degun, i a pas de comptes renduts de las reünions, e es confidencial”.
A respècte d’autres païses amb de deute, coma Espanha, Itàlia, Portugal e Irlanda, Varoufakis revelèt tanben que los creditors “expliquèron fòrça clar tre lo primièr moment qu’èran los nòstres piègers enemics, sustot s’obteniam un acòrdi mai favorable per Grècia que los daissèsse en marrida posicion davant lors pròpris ciutadans”.
Tocant lo dich “Grexit”, e a dire, que Grècia quitèsse l’èuro, Varoufakis es pas segur que siá una bona opcion.
“La nòstra Eurozòna es un luòc incomòde per las personas decentas”, çò diguèt Varoufakis en afirmant que l’estonariá pas que lo primièr ministre Alexis Tsipras acceptèsse un “acòrdi fòrça marrit”. “Compreni que se sentisca obligat amb los que nos an donat lor sosten e que vòlga pas que lo nòstre país venga un estat en quincanèla. Mas vau pas cambiar mon vejaire, qu’es lo meteis dempuèi 2010, que Grècia deu quitar d’ajornar e de far semblant, nos cal arrestar de demandar de nòus crèdits e far semblant qu’avèm resolgut lo problèma, quand es pas vertat, quand lo nòstre deute es encara mens sostenable amb de nòvas mesuras d’austeritat qu’enfonzan encara mai l’economia, e lo pes tomba de mai en mai suls qu’an pas res, amb una inevitabla crisi umanitària. Soi pas dispausat a o acceptar. Que compten pas amb ieu”.
Segon l’èx-ministre grèc de las finanças, un acòrdi de tèrme cort, amb tres o quatre reformas, se seriá pogut signar pauc après que Syriza arribèsse al poder en genièr. Pasmens, l’autre costat “insistiguèt sus un acòrdi global, es a dire, en parlar de tot, que segon mon opinion, equival a voler parlar de pas res”. “O volián tot tre lo primièr moment. Diguèron que s’aprovàvem quina lei que foguèsse, o considerarián una accion ostila e dirián als mèdias que lor fasiam pèrdre de temps. Èra una autentica trapèla”.
Per Varoufakis, lo màger problèma del foncionament de l’Eurogrop —que segon el es totalament contarotlat per Alemanha— es que se tracta d’“un grop sens existéncia legalament reconeguda, sens un tractat que lo sostenga, mas amb un poder maximal per decidir sus la vida dels europèus. Respond pas davant degun, i a pas de comptes renduts de las reünions, e es confidencial”.
A respècte d’autres païses amb de deute, coma Espanha, Itàlia, Portugal e Irlanda, Varoufakis revelèt tanben que los creditors “expliquèron fòrça clar tre lo primièr moment qu’èran los nòstres piègers enemics, sustot s’obteniam un acòrdi mai favorable per Grècia que los daissèsse en marrida posicion davant lors pròpris ciutadans”.
Tocant lo dich “Grexit”, e a dire, que Grècia quitèsse l’èuro, Varoufakis es pas segur que siá una bona opcion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a quicòm que compreni pas. Pareis que los sicuts financièrs d ' Itàlia de França, d' Espanha , de Portugal , quitament Anglatèrra son piègers que lo de Grècia .
Que nosautres " francés" devèm quicòm coma 20000 euros per estajant ( una palha! ).
Primièra question : sètz ( sèm) d'acòrdi per pagar?
Segonda question: la tabasada de Grècia , fin finala es pas qu'un ensag « pedagogic» a destinacion dels autres pòbles , per los acostumar a pagar tota la vida una renda a las màfias financièras ?
Segond l'idèa : " se bolega , paga"
Alamnah non mestreja Euròpa. Sonque lo capital sens dieu ni mèstre mestreja Euròpa. L'Aristocracia financiària mestreja euròpa, qu'es benlèu melhor representada a Alamanha qu'a França. Mas vos rapèli qu'una ablacanta majoritat de paures,e mai de paurasses patís en Alamanha del neoliberalisme, tanplan benlèu coma los Grècs. Lo capital a pas cap nacion, cap termièra ni cap mèstre e non li val un quita galinòt quina volontat populària democratica, exprimida siá per mas urnas, siá per carrièras : l'Eurogrop es una agéncia dictatoriala de la finança internacionala… ni mai, ni mens. Nos enganèm pas d'enemics. Los ciutadans alamands pagats 450 € cada mes i son pas per grand causa, als malastres de Grècia !
Mercés Joan-Marc. As rason. Ieu ai emplegat l'expression francesa sens cercar mai.
#1 Adiu Sèrgi,
Èi un jorn legit que l'expression èra fin finala "Voler lo beure e l'argent deu beure", e que seré d'origina occitana passat au francés. Sembla logic, mes de verificar de tot biais.
Ai ! de decas ! *cal balhar x2
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari