Actualitats
Los bancas grègas an tornat dobrir après vint e tres jorns
Se pot far de transaccions e d’encaissaments de chècs. Als bancomats, la retirada d’argent rèsta limitada a seissanta èuros per jorn
Una setmana après l’acòrdi entre Grècia e los membres de la zòna èuro, las bancas grègas an tornat dobrir, tal coma o anoncièt dijòus passat lo ministre grèc de l’economia, Dmitris Mardas. Los ciutadans grècs pòdon tornar far d’operacions bancàrias après lo contraròtle dels capitals qu’es estat en vigor pendent dètz e nòu jorns. Ça que la, las restriccions se levaràn pas totalament. Per exemple, lo limit de retirada d’argent als bancomats se manten a seissanta èuros per jorn, amb un maxim de tres cents cada cinc jorns obrants. Tocant los retirats e caumaires, pòdon retirar un maxim de 120 èuros per setmana.
Los grècs pòdon ara accedir als depauses a tèrmes, es a dire, que pòdon anullar de comptes o ben utilizar lor argent per pagar dins de transaccions electronicas o al portissòl. Totun, aquò es ara solament possible entre comptes de la meteissa entitat. Los chècs, tanben fòrça corrents en Grècia, se pòdon tornar utilizar e se pòt accedir a las caissas de seguretat.
Las operacions a l’estrange contunhan d’èsser fòrça limitadas, mas los parents qu’ajan d’enfants estudiants a l’estrange lor poiràn mandar fins a 5000 èuros per trimèstre e aqueles que lor calga pagar de despensas medicalas poiràn dispausar d’un maxim de 2000 èuros.
Ajuda de 7 miliards
Es previst que Grècia recépia de l’Eurozòna un crèdit pont de 7 miliards d’èuros destinats a cobrir los besonhs mai immediats, coma la devolucion de 3,5 miliards e aperaquí 700 milions de mai d’interèsses a la Banca Centrala Europèa (BCE). Es probable qu’aquela injeccion de capital servisca a tornar l’1,5 miliard que Grècia manquèt de pagar al Fons Monetari Internacional (FMI) lo 30 de junh.
Los grècs pòdon ara accedir als depauses a tèrmes, es a dire, que pòdon anullar de comptes o ben utilizar lor argent per pagar dins de transaccions electronicas o al portissòl. Totun, aquò es ara solament possible entre comptes de la meteissa entitat. Los chècs, tanben fòrça corrents en Grècia, se pòdon tornar utilizar e se pòt accedir a las caissas de seguretat.
Las operacions a l’estrange contunhan d’èsser fòrça limitadas, mas los parents qu’ajan d’enfants estudiants a l’estrange lor poiràn mandar fins a 5000 èuros per trimèstre e aqueles que lor calga pagar de despensas medicalas poiràn dispausar d’un maxim de 2000 èuros.
Ajuda de 7 miliards
Es previst que Grècia recépia de l’Eurozòna un crèdit pont de 7 miliards d’èuros destinats a cobrir los besonhs mai immediats, coma la devolucion de 3,5 miliards e aperaquí 700 milions de mai d’interèsses a la Banca Centrala Europèa (BCE). Es probable qu’aquela injeccion de capital servisca a tornar l’1,5 miliard que Grècia manquèt de pagar al Fons Monetari Internacional (FMI) lo 30 de junh.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 E l'exagona ???
Per viure l'exagona manleva 1 Milhard d'euròs per jorn trabalhat (Dixit Bayrou)
Evidentament cal de garantidas... tot va plan.
Lo deute de l'exagona es detengut a 70% pels estrangièrs.
Lo jorn ont las garantidas faran pas pron miranda.. los taus de manlèu pujaràn e poirem pus manlevar.
Atal acabarem coma Grècia, per aver viscut al delà dels mejans de l'estat...
Per l'argent prestat a Grèci per França es per ara de 58 Milhards qu'avem plan segur degut manlevar...
58 Milhards es 3% de çò que produsis l'exagona dins una annada.
Bona jornada...
Tre aqueste matin damora a Grècia Pas que 510 milhons d'euròs sul l'ajuda d'urgencia de 7,16 Milhards d'euròs!
Ont son passat los 7,16 Milhardfs d'euròs:
FMI : 1,5 milhards d'euròs.
BCE : 4,2 Milhards d'euròs
Banca de Grècia : 500 milhons d'euròs.
D'aici qualques setmana Grècia dvria recebre un tresen plan d'judas chifrat per l'ora devèrs 80 - 86 Milhards d'euròs sus cinc ans
Las echeanças que son de venir son :
Lo 20 d'agost Grecia deu remborsar 3,2 Milhards d'euròs a BCE.
Las reformas de far signadas per Grècia son une aumentatcion de la TVA qu'èra de 13% es ara desempuèi diluns 20 de julh a 23%. çò que risca de se passar son las transacions comercialas en bilhets per escapar a la TVA....
(Per memòria es çò que se passèc dins l'exagona per las ajudas a domicil qu'an demensit de 50%- es a díser que 50% passan pel trabalh jol mantèl))
Mentre aquel temps lo mecanisme de contribucion reparticion del budjet de l'U.E (125 Milhards d'euròs) contunha de corre.
Cada estat membre de l'U.E i va de sa contribucion. D'estats son beneficiaris d'autras son deficitaris.
Raportat a cada estajant aquò far :
Un aleman paga : 110€ /an - deficitari
Un britanic paga 90€/an - deficitari
Un exagonal paga : 80€ / an - deficitari
un Grec ganha : 323€ / an
Un Polonés ganha 220€ / an
Un "espanòl" Hanha : 90€ / an
Mai detalhat aqui : http://image.guardian.co.uk/sys-files/Guardian/documents/2012/01/26/EU27_Money.pdf
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari