Actualitats
Se dobrís la soscripcion pel segond modèl de telefòn mobil etic e just
Dempuèi dijòus passat se pòt precomandar lo segond modèl de Fairphone, que poiriá començar de se liurar als crompaires en novembre
A la fin del 2013 comencèron de se liurar los primièrs aparelhs Fairphone, un telefòn mobil concebut e fabricat per una ONG neerlandesa amb de critèris etics e justes. Dos ans e mièg puèi, e amb qualques desenats de milièrs d’unitats de vendudas, se’n prepara lo segond modèl, melhorat e evolucionat. Se n’es dobèrt ara, a bon ritme, lo periòde de precomanda: dempuèi dijòus passat, se’n son ja demandats aperaquí tres mila. La produccion començarà quand se’n serà comandat quinze mila.
La politica de precomandas, segon Fairphone, ajuda mai que mai a manténer l’independéncia de l’iniciativa. La comercializacion del nòu modèl, que s’es dessenhat per aumentar la durada e la mantenença, es prevista per novembre que ven.
Qu’es aquò un telefòn mobil etic e just?
Qualques ONG denóncian l’implicacion de l’indústria de la telefonia mobila en l’origina de qualques conflictes armats en Africa per l’esplecha de cèrts minerals (coma lo coltan). Tanben se denóncia las duras condicions professionalas d’entrepresas soscontractadas en Asia. Fa quatre ans s’activèt als Païses Basses una d’aquelas campanhas de conscientizacion e lo resultat foguèt lo Fairphone.
Lo Fairphone garentís cinc grandas valors: de bonas condicions de trabalh en la fabricacion, l’abséncia de materials conflictius, un cicle de vida net, una tecnologia dobèrta e liura e amb fòrça transparéncia.
La politica de precomandas, segon Fairphone, ajuda mai que mai a manténer l’independéncia de l’iniciativa. La comercializacion del nòu modèl, que s’es dessenhat per aumentar la durada e la mantenença, es prevista per novembre que ven.
Qu’es aquò un telefòn mobil etic e just?
Qualques ONG denóncian l’implicacion de l’indústria de la telefonia mobila en l’origina de qualques conflictes armats en Africa per l’esplecha de cèrts minerals (coma lo coltan). Tanben se denóncia las duras condicions professionalas d’entrepresas soscontractadas en Asia. Fa quatre ans s’activèt als Païses Basses una d’aquelas campanhas de conscientizacion e lo resultat foguèt lo Fairphone.
Lo Fairphone garentís cinc grandas valors: de bonas condicions de trabalh en la fabricacion, l’abséncia de materials conflictius, un cicle de vida net, una tecnologia dobèrta e liura e amb fòrça transparéncia.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cal pas confondre lo fairphone amb lo fèr faune qu'es pas qu'un pleonasm. Mercé per aquesta informacion que nos permet ja de començar de cambiar las causas coma consomaires.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari