Actualitats
Fin de la trèva unilaterala del PKK en Turquia
Acusan lo govèrn turc d’aprofechar la campanha contra l’Estat Islamic coma pretèxt per atacar la resisténcia curda
Lo Partit dels Trabalhadadors de Curdistan (PKK) a decidit de metre fin a la trèva unilaterala declarada fa mai de dos ans. Considèran que l’estat turc a pas avançat dins las negociacions e mai qu’agredís, e que fa pas res per evitar las agressions contra los curds, en tot profechar del conflicte en Siria e Iraq.
Aquesta decision ven après que Turquia aprofechèsse divendres passat un atac contra las posicions de l’Estat Islamic per atacar tanben las fòrças curdas que luchan contra los islamistas. En seguida, de desenats de manifestants curds manifestèron a Sîlemanî per protestar contra los bombardaments turcs. Acusavan lo govèrn turc de traïr los curds. A Ankara, la capitala de Turquia, la polícia a emplegat de canons d’aiga e de gases lacrimogèns contra las personas que tanben manfestavan contra los atacs visant los curds.
Los partits turcs de l’oposicion acusan lo president, Recep Tayyip Erdoğan, d’aprofechar la campanha contra l’Estat Islamic coma pretèxt per atacar la resisténcia curda.
Aquesta decision ven après que Turquia aprofechèsse divendres passat un atac contra las posicions de l’Estat Islamic per atacar tanben las fòrças curdas que luchan contra los islamistas. En seguida, de desenats de manifestants curds manifestèron a Sîlemanî per protestar contra los bombardaments turcs. Acusavan lo govèrn turc de traïr los curds. A Ankara, la capitala de Turquia, la polícia a emplegat de canons d’aiga e de gases lacrimogèns contra las personas que tanben manfestavan contra los atacs visant los curds.
Los partits turcs de l’oposicion acusan lo president, Recep Tayyip Erdoğan, d’aprofechar la campanha contra l’Estat Islamic coma pretèxt per atacar la resisténcia curda.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
« Lo Partit dels Trabalhadadors de Curdistan (PKK) a decidit de metre fin a la trèva unilaterala… » E me damndi s'un jorn o l'autre, los militants basques acabaràn pas per far çò meteis, estant l'acarniment destimborlat e desmesurat qu'enduran de la part dels estats francés e espanhòl. Perqué ne patissèm pas tant, nosautres, Occitans ? PEr çò que lucham fòrça mens, tot simplament… Politicians franceses e turcs pòdon anar dançar trèsca amassa dins las arroïnas dels pòbles qu'an escafats d'un biais o d'un autre. La patz es pas la fin de la guèrra. La patz es la debuta del respècte mutual. Lo que non a comprés aquò aprèta ja la guèrra seguenta en proclamant sa patz unilaterala…
Me dotava que Turquia laissaria pas far un estat turc sens reagir. Mas, ai fisança dins la lucha kurda.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari