Actualitats
Varoufakis alestís un partit d’encastre europèu
Se poiriá nomenar Aliança Europèa e comptariá amb lo sosten de personalitats coma Oskar Lafontaine e Paul Krugman
Giannis Varoufakis, fins a fa pauc ministre de l’economia grèc, es a bastir un partit d’encastre europèu per luchar contra la politica d’austeritat e per reclamar mai de democracia dins las institucions europèas, segon çò qu’an publicat lo setmanièr alemand Der Spiegele tanben Il Fatto Quotidiano, un jornal italian generalament fòrça plan connectat amb l’esquèrra radicala italiana.
Segon aquelas informacions, Varoufakis compta amb lo sosten e l’engatjament de caps politics coma Oskar Lafontaine, èx-ministre socialista alemand e cap de l’esquèrra radicala, James Gallgribt e quitament los celèbres economistas Paul Krugman e Joseph Stiglitz, que dins los ans passats an criticat fòrça las politicas d’austeritat.
Lo nòu movement, que probable se nomenarà Aliança Europèa, serà transnacional e sembla que se presentarà a las eleccions grègas ont lo quite Varoufakis ne serà cap de lista.
Segon aquelas informacions, Varoufakis compta amb lo sosten e l’engatjament de caps politics coma Oskar Lafontaine, èx-ministre socialista alemand e cap de l’esquèrra radicala, James Gallgribt e quitament los celèbres economistas Paul Krugman e Joseph Stiglitz, que dins los ans passats an criticat fòrça las politicas d’austeritat.
Lo nòu movement, que probable se nomenarà Aliança Europèa, serà transnacional e sembla que se presentarà a las eleccions grègas ont lo quite Varoufakis ne serà cap de lista.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'article indica « l’esquèrra radicala italiana… ». Traduccion en occitan comun : « L'esquèrra italiana, al mens sa partida qu'es pas a dreita coma F. Hollande (economista liberal en diable) o Melanchon (sabètz, lo colonialista francés…) ».
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari