Lo Conselh de l’Agricultura e l’Alimentacion danés amb los organizaires del celèbre Festenal d’estiu de Roskilde, en Danemarc, an mes en practica una idèa que poiriá semblar una badinada: recuperar l’urina dels cent mila assistents per l’emplegar après dins lo procès d’elaboracion de la cervesa.
 
Es aital que, del 27 de junh al 4 de julhet, dins lo Festenal de Roskilde se menèt a tèrme l’iniciativa “From piss to pilsner” que reculhiguèt fins a 25 000 litres d’urina. Ara se reciclarà e se vendrà en fertilizant pels camps d’òrdi dedicats a fabricar la bièrra.
 
“Aquela accion nos permet de cambiar la nòstra percepcion tocant los residús: seràn pas mai una carga mas una ressorsa amb de valor (...). L’enòrma quantitat d’urina generada pendent los festenals aviá abans un impacte negatiu sus l’environament e ara, amb lo «beercycling» [reciclatge en bièrra], se pòt transformar en una ressorsa de mai”, çò declarèt Leif Nielsen, del Conselh de l’Agricultura e l’Alimentacion danés.