Actualitats
Lengadòc-Rosselhon vòl pas que Tolosa siá la capitala de la nòva region
Damien Alary vòl una capitalitat partejada entre Tolosa e Montpelhièr. Los grops de drecha an refusat de participar a aquel vòte
Lo Conselh Regional de Lengadòc-Rosselhon vòl pas que Tolosa venga la capitala de la nòva region resultant e la fusion de Lengadòc-Rosselhon amb Miègjorn-Pirenèus. Abans de partir en vacanças, a la demanda del president Damien Alary, l’assemblada regionala emetèt un jutjament desfavorable a la capitalitat de la Ciutat Mondina.
La mocion presentada demanda una capitalitat partejada entre Tolosa e Montpelhièr e foguèt aprovada per 53 vòtes per, 11 contra e 2 abstencions. L’Union Centrista e Los Republicans refusèron de participar a aquel vòte.
La setmana que ven lo govèrn francés causirà quala serà la capitala de la granda region, qu’a pas encara cap de nom.
La mocion presentada demanda una capitalitat partejada entre Tolosa e Montpelhièr e foguèt aprovada per 53 vòtes per, 11 contra e 2 abstencions. L’Union Centrista e Los Republicans refusèron de participar a aquel vòte.
La setmana que ven lo govèrn francés causirà quala serà la capitala de la granda region, qu’a pas encara cap de nom.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La conselleria de pesca: Montpelhièr. Conselleria d'industria aviacion :Tolosa. Conselleria d' aigues fluvials: Narbona. Conselleria de cultura: Besiers . Conselheria de seguritat: Muret. Presidencia e parlament Carcassona. Agricultura Albí. Tresoreria Castras. Esports:Perpinhan.
LR non vòl pas de capitala a Tolosa, e MP non vòl pas de capitala a Montpelhièr… Alavètz, Narbona, capitala de la Provincia Narbonensis ? Las "régions" francesas son bofigas de vanetat. Non an cap sens. E nos dispitissèm per de fums de cap e de castèls dins la nívols.
Se pòt compréner qu'àgon de mau per s'endevenir las doas regions, que chascuna s'èra acostumada de menar sa vida emb de l'especificitat que totes lurs reconeissiáun.
Ara que son maridadas, comptèsson pas que las desmaridèsse, l'Estat ! Aquò's a elas que reven lo dever de se causir una capitala e... sens se chapinhar.
E se vòlon pas de l'una o l'autra vila per capitala, pòdon perpausar una comuna totalament diferenta ?
O ben, se vòlon gardar chascuna son rònle, se poiriáun pas repartir los poders, las responsabilitats ?...
Finalament... caucanha ! Se capíton pas de se petaçar, es l'Estat qu'empausarà sa causida.
Autrament, lurs pòde perpausar Rodés, ara que vei s'esbinhar son "Estivada".
Aumens, lai recaçariáun de competenças que los endrugiriáun e fariáun d'aquela vila un paumon nòrd-lengadocian amai : n'i auriá pro per sauvar la linha regionala Besièrs-Naussarga.
De que ne'n pensatz ?
S'es aicí quauqu'us de bien plaçat a las regions, que se fague, se li plai, lo ressòn de nòstras idèias e remarcas a totes : quò pòt servir ! ;-)
Se vei que Rabelais passèt per Montpelhièr: sos elegits lançan una guèrra picroquolenca!
#8 Endacom mai ! Vaqui la solucion ! La capitala regionala serè dins la (charmanta) vila istorica d'Endacommai, perfechament centrala entre Tolosa e Beucaire.. La capitala ideala per una region que poiriam chamar Enluoc, amb una desinéncia que ramentaria la de Languedoc. Me sembla una idèia super-geniala. Tre que veio Hollande, li fau la suggestion.
Tant vau ne rire, non ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari