Actualitats
De representants guaranís kaiowás se son amassats amb de caps d’estat europèus
“Ongan los atacs se son multiplicats e mai d’un guaraní kaiowá son estats assassinats”
De membres del Conselh Aty Guasu, qu’es una assemblada comunautària de la nacion guaraní kaiowá, son estats convidats aquesta setmana a l’Assemblada Estatala francesa de París dins l’encastre de la Cima de las Consciéncias pel Clima (CÒP 21), e tanplan an vesitat la sedença de l’ÒNU a Genèva (Arpitània). Los representants d’aquel pòble perseguit e menaçat an portat lor crit de secors a divèrses caps d’estat europèus coma lo prince Albèrt de Mónegue, lo president francés François Hollande e lo rei Harold de Norvègia.
Los caps guaranís kaiowás an manifestat lor esperança que quicòm de concret se passe en favor de lor pòble, qu’es de mai en mai victima de la violéncia dels grands entrepreneires agricòlas. Dins aquel sens son estats protocollizats de documents que contenon las grèvas denóncias sus la crisi umanitària que subisson los guaranís kaiowás dins l’estat brasilièr del Mato Grosso del Sud.
A París, faguèron de discorses de representants de la nacion sarayaku, Dòna Patricia Gualinga e Sénher Felix Santi. Puèi parlèron los representants guaranís kaiowás, Dòna Valdelice Veron e Sénher Natanael Caceres.
Valdelice Veron es la cap qu’aculhiguèt lo collaborador de JornaletDídac Cerezo en decembre de 2012 e en genièr de 2013, lo sol europèu d’un grop internacional qu’anèt acompanhar los guaranís kaiowás dins lo procès de recuperacion de las tèrras, en tot los sosténer moralament e en far un bloquièr dissuasiu davant los atacs armats.
“Per cada plen d’etanòl i a de sang guaraní que raja”, çò a dich Veron dins una entrevista a Novethic.
Lo conflicte qu’afècta los indigènas guaranís kaiowás que demòran dins l’estat brasilièr del Mato Grosso del Sud, vesin de Paraguai, se debana dempuèi qualques annadas. Ailà, pendent la dictatura militara de Brasil, de milièrs d’indigènas foguèron desplaçats de lor país pels fazendeiros o grands entrepreneires agricòlas. Quand la dictatura tombèt, en 1985, comencèt lo retorn, mas los indigènas rescontrèron la resisténcia armada dels quites fazendeiros e dels esbirros qu’engatjavan, los jagunços. La violéncia fa ja d’ans que dura, e qualques organizacions internacionalas se son mobilizadas per ajudar los guaranís kaiowás.
“Ongan los atacs se son multiplicats e mai d’un guaraní kaiowá son estats assassinats”, çò a explicat Cerezo a la redaccion de Jornalet.
Los caps guaranís kaiowás an manifestat lor esperança que quicòm de concret se passe en favor de lor pòble, qu’es de mai en mai victima de la violéncia dels grands entrepreneires agricòlas. Dins aquel sens son estats protocollizats de documents que contenon las grèvas denóncias sus la crisi umanitària que subisson los guaranís kaiowás dins l’estat brasilièr del Mato Grosso del Sud.
A París, faguèron de discorses de representants de la nacion sarayaku, Dòna Patricia Gualinga e Sénher Felix Santi. Puèi parlèron los representants guaranís kaiowás, Dòna Valdelice Veron e Sénher Natanael Caceres.
Valdelice Veron es la cap qu’aculhiguèt lo collaborador de JornaletDídac Cerezo en decembre de 2012 e en genièr de 2013, lo sol europèu d’un grop internacional qu’anèt acompanhar los guaranís kaiowás dins lo procès de recuperacion de las tèrras, en tot los sosténer moralament e en far un bloquièr dissuasiu davant los atacs armats.
“Per cada plen d’etanòl i a de sang guaraní que raja”, çò a dich Veron dins una entrevista a Novethic.
Lo conflicte qu’afècta los indigènas guaranís kaiowás que demòran dins l’estat brasilièr del Mato Grosso del Sud, vesin de Paraguai, se debana dempuèi qualques annadas. Ailà, pendent la dictatura militara de Brasil, de milièrs d’indigènas foguèron desplaçats de lor país pels fazendeiros o grands entrepreneires agricòlas. Quand la dictatura tombèt, en 1985, comencèt lo retorn, mas los indigènas rescontrèron la resisténcia armada dels quites fazendeiros e dels esbirros qu’engatjavan, los jagunços. La violéncia fa ja d’ans que dura, e qualques organizacions internacionalas se son mobilizadas per ajudar los guaranís kaiowás.
“Ongan los atacs se son multiplicats e mai d’un guaraní kaiowá son estats assassinats”, çò a explicat Cerezo a la redaccion de Jornalet.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari