Actualitats
Una occitanista aranesa candidata al Parlament de Catalonha per la CUP
Mireia Boya, collaboradora de Jornalet, es al numèro dos per la lista electorala de la demarcacion de Lhèida
La consultanta environamentala aranesa Mireia Boya, qu’es collaboradora de Jornalet, es al numèro dos de la lista electorala de la Candidatura d’Unitat Populara (CUP) al Parlament de Catalonha per la demarcacion electorala de Lhèida. Se se complisson los darrièrs sondatges, faches abans l’existéncia de la lista unitària independentista, i auriá una deputada occitanista dins lo Parlament de Catalonha al grop de la CUP.
Dijòus passat, la CUP presentèt la lista e Boya faguèt son discors en occitan, davant l’estonament dels jornalistas presents. “Pensi que i deu auer aranesi en aguest procès d’independéncia entà qu’era nacion occitana i sigue representada”, çò diguèt a Jornalet. E mai, Boya precisèt que “se i a aranesi que cren qu’era independéncia ei çò de melhor entà Catalonha e Aran, e tanben entà tota Occitània, cau dar un pas tà deuant damb tot açò des dera esquèrra rompedurista”.
Dijòus passat, la CUP presentèt la lista e Boya faguèt son discors en occitan, davant l’estonament dels jornalistas presents. “Pensi que i deu auer aranesi en aguest procès d’independéncia entà qu’era nacion occitana i sigue representada”, çò diguèt a Jornalet. E mai, Boya precisèt que “se i a aranesi que cren qu’era independéncia ei çò de melhor entà Catalonha e Aran, e tanben entà tota Occitània, cau dar un pas tà deuant damb tot açò des dera esquèrra rompedurista”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Tròbi qu'aquela lista de CUP, dissociada de la lista d'union independentista d'ERC-CDC, va donar la victòria aus espanholistas. Los sondatges mòstran clarament que la lista CUP va plombar la dinamica de la lista d'union independentista. Politicament, la tactica dels esquerristas de la CUP es la mai bona pel PP de Rajoy. Vertat es que los esquerristas son especialistas dels fracasses e de las contradiccions. Sense cercar lonh, vesètz la Grècia de Syriza que fa manjar la sopa a l'òli aus elènes desenlusits ! Vertat tanben que lo Jornalet es tanben lo pòrta-votz d'aquela extrèma-esquèrra irresponsabla e qu'es a d'annadas-lum de las preocupacions dels occitans del pòble... Un pauc d'objectivitat, de professionalisme jornalistic fa besonh. Es pas una critica contra Ferriol Macip i Bonet, mas contre totes aqueles occitanistas que critican e que fan pas res. Prenètz vòstres estilos e fasètz del Jornalet un jornal enrasigat dins la realitat occitana de duèi e amb tota la pluralitat de la societat nòstra.
Tots los mieus vòts de succès.
Te desiri coratge dins aqueste prètzfait.
Felicitacions, coratge e succès a Mireia Boya e a la CUP!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari