Actualitats
Un nòu metòde non toxic contra los moissals s’assaja en Camarga
Lo Sambuc tèsta una tecnica arlatenca que cèrca d’eliminar d’insèctes femes adultes, en luòc de tuar lors larvas
Un nòu metòde per se desbarrassar dels moissals sens utilizar de produches quimics es estat assajat al Sambuc (Camarga). Se tracta d’una caissa de fusta que conten dos depauses, un de dioxid de carbòni e un autre de feromònas, qu’atrai los moissals femes, que son los que ponhon. La caissa es subremontada per una sòrta de chaminada per ont los moissals se fan aspirar. An installat onze dispositius d’aqueles a l’entorn del vilatge a la manièra d’una barrièra amb lo sosten del Pargue Natural Regional de Camarga e del centre de recèrca de la Tor dau Valat, qu’a ja assajat l’utilizacion d’aquelas maquinas.
L’idèa es dels joves arlatencs Pierre Bellagambi e Simon Lillamand qu’an montat lor entrepresa, Techno BAM, per comercializar aquel dispositiu que sembla eficaç, net, ecologic e qu’elimina totes los moissals, tanben los moissals tigres e los arabís, e qu’es pas toxic.
Se presentèt als abitants del Sambuc en una reünion publica lo 8 de julhet passat e eles aculhiguèron ben l’idèa. “Lo Sambuc es lo centre dau Mond per la desmoissalizacion”, çò diguèt Philippe Martinez, adjonch especial de Camarga Sud, sus Arles.info.
L’idèa es dels joves arlatencs Pierre Bellagambi e Simon Lillamand qu’an montat lor entrepresa, Techno BAM, per comercializar aquel dispositiu que sembla eficaç, net, ecologic e qu’elimina totes los moissals, tanben los moissals tigres e los arabís, e qu’es pas toxic.
Se presentèt als abitants del Sambuc en una reünion publica lo 8 de julhet passat e eles aculhiguèron ben l’idèa. “Lo Sambuc es lo centre dau Mond per la desmoissalizacion”, çò diguèt Philippe Martinez, adjonch especial de Camarga Sud, sus Arles.info.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Sariá interessant aguer mai d'informacion sus leis enjuèc ecologics e lo ponch de vista dau pargue naturau : de ço que mi remembri vòlem pas tuar lei moissaus en Camarga. D'en promier an probablament un "ròtle" dins l'equilibri de la zòna umida, mais subretot es important d'aguer una sèrva de moissaus "normaus" per esvitar de deissar la plaça a un monopòle de moissaus mutants qu'an desvelopat de resistanças (e que podòn trasmetre aquesta resistança a de moissaus patogèns).
Alora es que sariá una metòda qu'esvita de tuar leis moissaus ? O es que se es sonque aplicada a l'entorn d'un vilatge (e pas sus tot lo pargue) es pas grèu perqué sariá una pichòta menoritat dau pargue ? E alora es que podriá estre un problèma se li a una generalisacion "industriala" d'aquest dispositiu ? ...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari