Actualitats
Rugbi XIII: primièr episòdi de Mission Impossibla pels Dracs
Lo mes d’agost tretzista s’anóncia plan bèl: finala de la Cup lo 29; las partidas del Super 8 e del 8 del Mitan; la corsa a la qualificacion en NRL australiana; la preparacion de la sason d’Elèit...
Alan Roch
La suspresa Hull KR
Aquesta dimenjada se debanavan las mièjas finalas de la Cup. Divendres a Warrington, Leeds venquèt St Helens 24-14. Dissabte, a Leeds, Warrington marquèt d’entrada a la primièra accion, mas a la pausa es Hull KR que menava 12-6. A la represa, Kevin Larroyer marquèt un ensag volontari e decisiu: placat per 4 Lops, capitava a estirar lo braç per pausar la palma just sus la rega blanca. Warrington voliá tornar a Wembley mas finiguèt que pleguèt 26-18.
Los campions a Brutus
Aquesta fin de setmana, plaça al primièr torn del Super 8. Los Dracs son oitens e se lançan dins una Mission Impossibla: remontar en sèt partidas uèit punts contra lo quatren Huddersfield per se qualificar per las mièjas finalas. Alara, cal faire mina d’i creire e comptar amb la volontat d’aqueles que portaràn pas mai lo malhòt catalan d’acabar amb una bona nòta e amb aqueles que demòran e mai amb los joves per faire mòstra de totas las qualitats. Primièr rendètz-vos: la venguda de Saint Helens dissabte a 6 oras del vèspre. Una partida de pas mancar pels Dracs, nimai per vosautres totes!
Al programa de la jornada, se jogaràn las partidas: Wigan-Huddersfield, dijòus; Castleford-Hull FC e Leeds-Warrington, divendres.
Començarà tanben lo 8 del Mitan amb l’objectiu de demorar o de se ganhar la plaça en Superliga per la sason venenta.
Cavals adometgits
En Austràlia, cal senhalar la brava desfaita del cap de fila, los Broncos de Brisbane, cò de las Aglas de Mar de Manly: 44-14.
Los Polets-Roosters menan lèu fait 22-0 fàcia als Bulldogs de Canterbury. Se fan remontar e despassar, 28-22, e finisson que ganhan 38-28 al tèrme d’una brava e granda partida!
Los Broncos, los Vaquièrs de North Queensland, los Polets e los Lapinons caminan cap a la qualificacion per las pelhòfas; las Làmias de Cronulla e la Tempèsta de Melbourne son plan plaçats. Demòran doas plaças a prene entre Dracs de Sant Jòrdi, Bulldogs, Combatents de Nòva Zelanda, Raiders de Canberra e las Aglas de Mar. Una competicion dobèrta dusca a la fin.
Alan Roch
Se volètz anar seguir de mièjas finalas e la finala australianas: www.catalansporttours.fr
Aquesta dimenjada se debanavan las mièjas finalas de la Cup. Divendres a Warrington, Leeds venquèt St Helens 24-14. Dissabte, a Leeds, Warrington marquèt d’entrada a la primièra accion, mas a la pausa es Hull KR que menava 12-6. A la represa, Kevin Larroyer marquèt un ensag volontari e decisiu: placat per 4 Lops, capitava a estirar lo braç per pausar la palma just sus la rega blanca. Warrington voliá tornar a Wembley mas finiguèt que pleguèt 26-18.
Los campions a Brutus
Aquesta fin de setmana, plaça al primièr torn del Super 8. Los Dracs son oitens e se lançan dins una Mission Impossibla: remontar en sèt partidas uèit punts contra lo quatren Huddersfield per se qualificar per las mièjas finalas. Alara, cal faire mina d’i creire e comptar amb la volontat d’aqueles que portaràn pas mai lo malhòt catalan d’acabar amb una bona nòta e amb aqueles que demòran e mai amb los joves per faire mòstra de totas las qualitats. Primièr rendètz-vos: la venguda de Saint Helens dissabte a 6 oras del vèspre. Una partida de pas mancar pels Dracs, nimai per vosautres totes!
Al programa de la jornada, se jogaràn las partidas: Wigan-Huddersfield, dijòus; Castleford-Hull FC e Leeds-Warrington, divendres.
Començarà tanben lo 8 del Mitan amb l’objectiu de demorar o de se ganhar la plaça en Superliga per la sason venenta.
Cavals adometgits
En Austràlia, cal senhalar la brava desfaita del cap de fila, los Broncos de Brisbane, cò de las Aglas de Mar de Manly: 44-14.
Los Polets-Roosters menan lèu fait 22-0 fàcia als Bulldogs de Canterbury. Se fan remontar e despassar, 28-22, e finisson que ganhan 38-28 al tèrme d’una brava e granda partida!
Los Broncos, los Vaquièrs de North Queensland, los Polets e los Lapinons caminan cap a la qualificacion per las pelhòfas; las Làmias de Cronulla e la Tempèsta de Melbourne son plan plaçats. Demòran doas plaças a prene entre Dracs de Sant Jòrdi, Bulldogs, Combatents de Nòva Zelanda, Raiders de Canberra e las Aglas de Mar. Una competicion dobèrta dusca a la fin.
Alan Roch
Se volètz anar seguir de mièjas finalas e la finala australianas: www.catalansporttours.fr
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Arribada de tria cò dels Dracs per la sason venenta : l'Australian Dave Taylor
http://www.lindependant.fr/2015/08/03/dave-taylor-s-engage-avec-les-dragons,2067903.php
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari