Actualitats
De residús radioactius de Chornobyl als Alps occitans
La CRIIRAD a trobat de cèsi 137 provenent de la nívol radioactiva de l’accident nuclear de 1986 al Pargue Natural de Mercantorn
De parcèlas de sòl tan radioactivas coma los residús nuclears se’n pòt trobar als Alps occitans, mai que mai al Pargue Natural Nacional de Mercantorn, segon çò que rapòrta Le Figaro. Vint e nòu ans après l’accident de Chornobyl (Chernobyl), de particulas de cèsi 137 contaminan encara massissament lo sòl d’aquela region alpenca.
Un estudi menat los 5 e 6 de julhet passat per la Comission de Recèrca e Informacion Independenta sus la Radioactivitat (CRIIRAD) demòstra que localament las taxas de radioactivitat despassan los 100 000 becquerels per quilograma de matèria solida, es a dire, qu’intran dins la categoria dels “residús nuclears de febla activitat”, segon lo barrèma d’Euratòm de 1996. La CRIIRAD aviá dmostrat entre 1996 e 1998 una preséncia fòrça contaminanta de cèsi 137 dins l’Arc Alpenc, d’Occitània a Àustria, a de nautadas superioras a 2000 mètres. Ça que la, l’estudi de la CRIIRAD precisa que las zònas contaminadas son fòrça localizadas, en Mercatorn sus una tota petita parcèla.
Qu’es aquò lo cèsi 137?
Lo cèsi 137 es un isotòp radioactiu que se produtz principalament per fision nucleara. A un periòde de semidesintegracion de 30,23 ans. Es soluble dins l’aiga e extrèmament toxic en quantitats plan petitas. Un còp liberat dins l’environament, contunha d’èsser present pendent fòrça annadas. Pòt causar lo càncer 10, 20 o 30 ans après lo moment de l’ingestion, l’inalacion o l’absorcion, quand una quantitat sufisenta intra dins l’organisme.
Un fenomèn alpenc
Aquel fenomèn es particular dels Alps. En 1986, quand la nívol radioactiva de Chornobyl subrevolèt Euròpa, los Alps èran tot ennevats. Lo cèsi 137 se fixèt sus la nèu. “L’aiga de las nèus qu’avián recebut de cèsi circulèt e contaminèt d’endreches plan particulars”, çò ditz sus Le Figaro Bruno Chareyron, cercaire del CRIIRAD.
Passivitat de las autoritats francesas
Chareyron denóncia la passivitat de las autoritats francesas en seguida de l’accident de Chornobyl e invòca “un dever de memòria”. Aital remembra qu’a l’epòca d’autres elements radioactius, coma l’iòde 131, provoquèron de malautiás de la glandola tiroïda a d’abitants d’Alsàcia o Corsega. “Cal remembrar aquela messòrga de 1986 e mai la grèva manca de proteccion de las populacions”, çò denóncia, en precisant que “França es un dels sols païses avent pas pres de mesuras sanitàrias”.
Las mòstras que la CRIIRAD a pres dels sòls de Mercantorn devon èsser tractadas coma de residús nuclears e transferits a l’Agéncia Estatala per la Gestion dels Residús Radioactius (ANDRA, segon sa sigla en francés). L’article de Le Figaro ne soslinha aquela ironia de l’istòria. Es doncas solament un còp sortidas de tèrra que las mòstras venon oficialament de residús nuclears.
Un estudi menat los 5 e 6 de julhet passat per la Comission de Recèrca e Informacion Independenta sus la Radioactivitat (CRIIRAD) demòstra que localament las taxas de radioactivitat despassan los 100 000 becquerels per quilograma de matèria solida, es a dire, qu’intran dins la categoria dels “residús nuclears de febla activitat”, segon lo barrèma d’Euratòm de 1996. La CRIIRAD aviá dmostrat entre 1996 e 1998 una preséncia fòrça contaminanta de cèsi 137 dins l’Arc Alpenc, d’Occitània a Àustria, a de nautadas superioras a 2000 mètres. Ça que la, l’estudi de la CRIIRAD precisa que las zònas contaminadas son fòrça localizadas, en Mercatorn sus una tota petita parcèla.
Qu’es aquò lo cèsi 137?
Lo cèsi 137 es un isotòp radioactiu que se produtz principalament per fision nucleara. A un periòde de semidesintegracion de 30,23 ans. Es soluble dins l’aiga e extrèmament toxic en quantitats plan petitas. Un còp liberat dins l’environament, contunha d’èsser present pendent fòrça annadas. Pòt causar lo càncer 10, 20 o 30 ans après lo moment de l’ingestion, l’inalacion o l’absorcion, quand una quantitat sufisenta intra dins l’organisme.
Un fenomèn alpenc
Aquel fenomèn es particular dels Alps. En 1986, quand la nívol radioactiva de Chornobyl subrevolèt Euròpa, los Alps èran tot ennevats. Lo cèsi 137 se fixèt sus la nèu. “L’aiga de las nèus qu’avián recebut de cèsi circulèt e contaminèt d’endreches plan particulars”, çò ditz sus Le Figaro Bruno Chareyron, cercaire del CRIIRAD.
Passivitat de las autoritats francesas
Chareyron denóncia la passivitat de las autoritats francesas en seguida de l’accident de Chornobyl e invòca “un dever de memòria”. Aital remembra qu’a l’epòca d’autres elements radioactius, coma l’iòde 131, provoquèron de malautiás de la glandola tiroïda a d’abitants d’Alsàcia o Corsega. “Cal remembrar aquela messòrga de 1986 e mai la grèva manca de proteccion de las populacions”, çò denóncia, en precisant que “França es un dels sols païses avent pas pres de mesuras sanitàrias”.
Las mòstras que la CRIIRAD a pres dels sòls de Mercantorn devon èsser tractadas coma de residús nuclears e transferits a l’Agéncia Estatala per la Gestion dels Residús Radioactius (ANDRA, segon sa sigla en francés). L’article de Le Figaro ne soslinha aquela ironia de l’istòria. Es doncas solament un còp sortidas de tèrra que las mòstras venon oficialament de residús nuclears.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo Figaró es foça de dretas e segur que sap pas los accidents que hi ha agut sus totas las montanhas, d'avions de guerra per transportar bombes atòmiques. A Palomares hi haguet un avion de combat USA que caiget dins la mar, e l'armament que portava era nuclear. Lo mateix ministre franquista d'alehoras s' haget de ficar a l'aigua per demostrar que no passava pas res. O oc?
En Corsega, las recèrcas sus las consequéncias de Chornobyl (suls camparòls e autras causas) son bailejadas per l'universitat italiana. Los sorbonagres e sorbonicòls franceses sembla que se'n foton.
Cocorico!
Viv la fronce e la mesa en dangier deliberaia das sieu populacions.
Sèm ges sus "Les Champ Élysées" alora quina importància.
Macarèl! E avèm pas pus lo Pasqua per remandar los degalhs nuclears d'ont venon!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari