Actualitats
Hiroshima: lo desarmament atomic mondial marca lo 70n anniversari del chaple
De representants d’un centenat de païses e d’activistas per la patz atomica participèron a l’acte de remembre
Se commemorèt ièr a Hiroshima los 70 ans del lançament de la primièra bomba atomica, amb la participacion de milièrs de personas e de representants d’un centenat de païses.
D’activisme per la patz atomica
Demièg los assistents i aviá d’activistas per la patz de tot lo Mond. S’avián amassat un jorn abans dins l’encastre de las conferéncias annalas organizadas pels principals grops antinuclears japoneses, que luchan per l’eliminacion de las armas nuclearas. Dins una conferéncia convocada per Gensuikyo, lo conselh japonés contra las bombas atomicas e d’idrogèn, la subreviventa de la bomba atomica, Sunao Tsuboi, faguèt una conferéncia ont soslinhèt lo besonh de jónher d'esfòrces per eliminar las armas nuclearas, e remembrèt la dolor fisica e lo patiment de l’explosion.
Japon demandarà a l’ÒNU lo desarmament nuclear de tot lo Mond
“Japon farà un nòu esfòrç per aténher un Mond sens armas nuclearas amb la cooperacion de totes los païses, sián de poténcias nuclearas o pas. Amb aquela tòca, la davalada que ven, presentarem a l'ÒNU una proposicion de resolucion que demanda lo desarmament nuclear”, çò declarèt ièr lo primièr ministre japonés, Shinzo Abe.
L’atac mai ferotge de l'istòria de l'umanitat
Lo 6 d’agost de 1945 pel matin, la vila d’Hiroshima visquèt un dels atacs mai ferotges de l'istòria de l'umanitat. L’armada dels Estats Units i lancèt la “Little Boy”, la primièra bomba nucleara utilizada contra de personas. La bomba tuèt sul pic 80 000 personas, a la fin d’aquela annada los mòrts a causa de la bomba èran 140 000 e dins los ans seguents, la tragica chifra contunhèt d’aumentar.
L’atac atomic èra estat precedit per un periòde de sièis meses d’intenses bombardaments estrategics amb de bombas convencionalas sus seissanta sèt vilas japonesas. Tres jorns après lo chaple d’Hiroshima, Harry S. Truman, lo president dels Estats Units, lancèt una autra bomba atomica sus Nagasaki, ont moriguèron 80 000 personas de mai. Aquò forcèt la capitulacion de Japon e metèt fin a la Segonda Guèrra Mondiala.
A causa dels bombardaments moriguèron 246 000 personas que la majoritat èran de civils. Fòrça mond demorèron ferits per tota la vida. Los sobrevivents son nomenats “hibakusha”, qu'en japonés vòl dire “persona bombardada”. Mantunes an sofèrt de desfiguracions fisicas e de malautiás causadas per la radiacion, coma lo càncer. Lo deteriorament genetic a afectat qualques generacions posterioras jos forma de malautiá o de deformacions.
Dins lo vidèo que seguís, podètz veire un documentari estatsunidenc dels ans 1960 sul desvolopament de la bomba atomica e la decision de l’emplegar contra Japon. Vos prepausam la version en catalan que l’emetèt la Television de Catalonha.
D’activisme per la patz atomica
Demièg los assistents i aviá d’activistas per la patz de tot lo Mond. S’avián amassat un jorn abans dins l’encastre de las conferéncias annalas organizadas pels principals grops antinuclears japoneses, que luchan per l’eliminacion de las armas nuclearas. Dins una conferéncia convocada per Gensuikyo, lo conselh japonés contra las bombas atomicas e d’idrogèn, la subreviventa de la bomba atomica, Sunao Tsuboi, faguèt una conferéncia ont soslinhèt lo besonh de jónher d'esfòrces per eliminar las armas nuclearas, e remembrèt la dolor fisica e lo patiment de l’explosion.
Japon demandarà a l’ÒNU lo desarmament nuclear de tot lo Mond
“Japon farà un nòu esfòrç per aténher un Mond sens armas nuclearas amb la cooperacion de totes los païses, sián de poténcias nuclearas o pas. Amb aquela tòca, la davalada que ven, presentarem a l'ÒNU una proposicion de resolucion que demanda lo desarmament nuclear”, çò declarèt ièr lo primièr ministre japonés, Shinzo Abe.
L’atac mai ferotge de l'istòria de l'umanitat
Lo 6 d’agost de 1945 pel matin, la vila d’Hiroshima visquèt un dels atacs mai ferotges de l'istòria de l'umanitat. L’armada dels Estats Units i lancèt la “Little Boy”, la primièra bomba nucleara utilizada contra de personas. La bomba tuèt sul pic 80 000 personas, a la fin d’aquela annada los mòrts a causa de la bomba èran 140 000 e dins los ans seguents, la tragica chifra contunhèt d’aumentar.
L’atac atomic èra estat precedit per un periòde de sièis meses d’intenses bombardaments estrategics amb de bombas convencionalas sus seissanta sèt vilas japonesas. Tres jorns après lo chaple d’Hiroshima, Harry S. Truman, lo president dels Estats Units, lancèt una autra bomba atomica sus Nagasaki, ont moriguèron 80 000 personas de mai. Aquò forcèt la capitulacion de Japon e metèt fin a la Segonda Guèrra Mondiala.
A causa dels bombardaments moriguèron 246 000 personas que la majoritat èran de civils. Fòrça mond demorèron ferits per tota la vida. Los sobrevivents son nomenats “hibakusha”, qu'en japonés vòl dire “persona bombardada”. Mantunes an sofèrt de desfiguracions fisicas e de malautiás causadas per la radiacion, coma lo càncer. Lo deteriorament genetic a afectat qualques generacions posterioras jos forma de malautiá o de deformacions.
Dins lo vidèo que seguís, podètz veire un documentari estatsunidenc dels ans 1960 sul desvolopament de la bomba atomica e la decision de l’emplegar contra Japon. Vos prepausam la version en catalan que l’emetèt la Television de Catalonha.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 A, lo purmèr?
Lo qui m'agrada mei a jo qu'ei Godzilla contra Mothra (o Gojira contra Mossura...)
Armas de destruccion massiva, crims d'estat, mas lo que guanya la guerra posa çò que vol quan escriu la història. E los crims que fa són, danhs colaterals.,perquè los enemics tenien la culpa e lo poble civil, plus. Cal gaitar la història oficiala del EEUU per veire que era tot lo que feren necessari, e que eles EEUU luitaven per la libertat e democràcia del mateis Japon. Vet-ho aquí,encara els feren un favor als japonesos fotent-los la bomba atòmica segon sa història.
Per festejar aquò vau m'agachar lo primièr "Gojira" un còp de mai.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari