Actualitats
Hiroshima: “Los japoneses ensagèron de se rendre e los estatsunidencs o sabián”
La directriz del documentari Hiroshima la vertadièra istòria revèla d’aspèctes desconeguts d’aquel òrre atac atomic
Dijòus passat, se commemorava lo 70n anniversari del lançament de la bomba atomica sus Hiroshima, un dels atacs mai ferotges de l'istòria de l'umanitat, que tuèt 80 000 personas sul pic e un total de 246 000, e provoquèt de càncers e de malformacions quitament dins las generacions següentas. Coma ben o raportava Jornalet, la celebracion venguèt marcada per la revendicacion generala del desarmament nuclear sus tota la planeta.
En escasença d’aquel eveniment, lo jornal El Periódico publiquèt una entrevista de Lucy Van Beek, una realizatritz britanica especializada en documentaris d’istòria, que revelava d’aspèctes desconeguts d’aquel òrre atac. D’aspèctes que los relata son documentari entitolat Hiroshima, la vertadièra istòria.
“Los japoneses ensagèron de se rendre e los estatsunidencs o sabián”
Dins aquela entrevista, Van Beek explica qu’en fasent lo documentari trobèt d’imatges que s’èran pas jamai vistes. “De còps nos an contat que lançar la bomba foguèt un mal necessari per fin d’acabar amb la guèrra al Pacific”, çò ditz en tot precisar que “lo documentari mòstra qu’aquò es pas vertat”. Per la realizatritz, “los japoneses ensagèron de se rendre e los estatsunidencs o sabián”, de mai afirma que “i aviá fòrça autras manièras de metre fin a aquela guèrra”.
Van Beek tanben explica que los japoneses avián fach un ensag reüssit de la bomba atomica, e que los oficials dels servicis secrets sabián que l’avion qu’anava a Hiroshima ne transportava una. “Alertèron lors superiors, mas aqueles faguèron pas res e daissèron la vila sens proteccion. Quand l'avion se dirigissiá cap a Nagasaki, los meteisses oficiales o vesián, e sabián que menava la bomba. Tornèron a alertar lors superiors, mas tornarmai faguèron pas res. Poirián aver donat d'instruccions fins a cinc pilòts per desquilhar [l’avion que menava la bomba], mas o faguèron pas”
Un laboratòri per far d’experiéncias amb las personas
De mai, la realizatritz explica que l’armada dels Estats Units barrèt la vila per amagar çò que se passava, puèi tornèron per investigar las gents “en transformant la vila en quicòm de semblable a un laboratòri ont podián veire cossí la radiacion afectava las personas. Actualament son encara a las estudiar”.
Aquel barrament de la vila auriá empedit que venguèsson los mètges per ajudar las personas, e aquò provòca que las nafras sián encara dobèrtas, çò explica, del temps que conclutz que “caliá pas lançar la bomba, se deguèt pas jamai far”.
En escasença d’aquel eveniment, lo jornal El Periódico publiquèt una entrevista de Lucy Van Beek, una realizatritz britanica especializada en documentaris d’istòria, que revelava d’aspèctes desconeguts d’aquel òrre atac. D’aspèctes que los relata son documentari entitolat Hiroshima, la vertadièra istòria.
“Los japoneses ensagèron de se rendre e los estatsunidencs o sabián”
Dins aquela entrevista, Van Beek explica qu’en fasent lo documentari trobèt d’imatges que s’èran pas jamai vistes. “De còps nos an contat que lançar la bomba foguèt un mal necessari per fin d’acabar amb la guèrra al Pacific”, çò ditz en tot precisar que “lo documentari mòstra qu’aquò es pas vertat”. Per la realizatritz, “los japoneses ensagèron de se rendre e los estatsunidencs o sabián”, de mai afirma que “i aviá fòrça autras manièras de metre fin a aquela guèrra”.
Van Beek tanben explica que los japoneses avián fach un ensag reüssit de la bomba atomica, e que los oficials dels servicis secrets sabián que l’avion qu’anava a Hiroshima ne transportava una. “Alertèron lors superiors, mas aqueles faguèron pas res e daissèron la vila sens proteccion. Quand l'avion se dirigissiá cap a Nagasaki, los meteisses oficiales o vesián, e sabián que menava la bomba. Tornèron a alertar lors superiors, mas tornarmai faguèron pas res. Poirián aver donat d'instruccions fins a cinc pilòts per desquilhar [l’avion que menava la bomba], mas o faguèron pas”
Un laboratòri per far d’experiéncias amb las personas
De mai, la realizatritz explica que l’armada dels Estats Units barrèt la vila per amagar çò que se passava, puèi tornèron per investigar las gents “en transformant la vila en quicòm de semblable a un laboratòri ont podián veire cossí la radiacion afectava las personas. Actualament son encara a las estudiar”.
Aquel barrament de la vila auriá empedit que venguèsson los mètges per ajudar las personas, e aquò provòca que las nafras sián encara dobèrtas, çò explica, del temps que conclutz que “caliá pas lançar la bomba, se deguèt pas jamai far”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
"Los Japonese avian fach un ensag reussit de la bomba atomica????"
Compreni pas... Los Japonés tanben que hasèn recèrcas tà bombas nuclearas? Los alemans qu'ac sabèvi mes pas los Japonés. Etz segurs?
Un artile hèra interessant!
Dejà 70 ans e pas nat procès ...
Los Ianquis son de la religion d'aquel que diguèt: "Tuez-les tous, Dieu reconnaitra les siens!".
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari