Actualitats
Un obrièr de Fukushima mòrt dins un accident de trabalh
Es lo tresen que morís al desmantelament e descontaminacion del sit. Planh per las condicions de las prestacions en sostractança
Un emplegat de la centrala nucleara de Fukushima moriguèt dissabte passat dins un accident de trabalh, segon çò que rapòrta EFE. Es ja lo tresen salariat mòrt dempuèi que se trabalha a la descontaminacion del sit.
L’obrièr, de 52 ans, lo trobèron a 6h30 del matin, segon l’ora de Japon, atrapat per la boca de la sèrva d’una de las maquinas emplegadas al desmantelament del sit, çò ditz dins un comunicat la societat Tokio Electric Power (TÈPCO). Moriguèt pendent que lo menavan a l’espital, çò rapòrta AP The Big History.
La victima auriá patit l’accident mentre que netejava la sèrva de la maquina, que trabalhava a bastir una paret sosterranha de glaç que deu sosténer las fugidas radioactivas del sit.
La victima èra engatjat per una de las societats que trabalha en sostractança per TÈPCO pels trabalhs del sit nuclear. Mas es TÈPCO que fa l’enquèsta de las causas de l’accident.
En genièr passat, moriguèt un salariat après tombar dins una sèrva d’aiga e en març de 2014 un obrièr defuntèt enterrat jos la grava mentre que cavava.
Lo tèrratrem e lo tsunami de l’11 de març de 2011 provoquèron a la centrala nucleara de Fukushima lo pièger accident nuclear dempuèi lo de Chornobyl (Ucraïna) en 1986. L’accident a afectat grèvament l’agricultura, la pesca e l’elevatge locals e aperaquí 52 000 personas son estadas desplaçadas. Mai o mens 7000 personas trabalhan cada jorn a la descontaminacion e al desmantelament de la centrala nucleara. La majoritat dels salariats sostractan per 800 societats, e non pas dirèctament per TÈPCO, çò qu’a provocat de chepics e de criticas tocant lors condicions de trabalh.
L’obrièr, de 52 ans, lo trobèron a 6h30 del matin, segon l’ora de Japon, atrapat per la boca de la sèrva d’una de las maquinas emplegadas al desmantelament del sit, çò ditz dins un comunicat la societat Tokio Electric Power (TÈPCO). Moriguèt pendent que lo menavan a l’espital, çò rapòrta AP The Big History.
La victima auriá patit l’accident mentre que netejava la sèrva de la maquina, que trabalhava a bastir una paret sosterranha de glaç que deu sosténer las fugidas radioactivas del sit.
La victima èra engatjat per una de las societats que trabalha en sostractança per TÈPCO pels trabalhs del sit nuclear. Mas es TÈPCO que fa l’enquèsta de las causas de l’accident.
En genièr passat, moriguèt un salariat après tombar dins una sèrva d’aiga e en març de 2014 un obrièr defuntèt enterrat jos la grava mentre que cavava.
Lo tèrratrem e lo tsunami de l’11 de març de 2011 provoquèron a la centrala nucleara de Fukushima lo pièger accident nuclear dempuèi lo de Chornobyl (Ucraïna) en 1986. L’accident a afectat grèvament l’agricultura, la pesca e l’elevatge locals e aperaquí 52 000 personas son estadas desplaçadas. Mai o mens 7000 personas trabalhan cada jorn a la descontaminacion e al desmantelament de la centrala nucleara. La majoritat dels salariats sostractan per 800 societats, e non pas dirèctament per TÈPCO, çò qu’a provocat de chepics e de criticas tocant lors condicions de trabalh.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E venon de tornar dobrir una centrala! S'ai plan ausit la ràdio, la mesa en conformitat d'aquesta centrala a costat 80 miliards d'euròs. Quant de centralas cal adobar en Françlandia? A quant monta lo deute de l'estat?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari