L’Aeropòrt Internacional Queen Alia d’Amman, la capitala de Jordania, demorèt entièrament cobèrt per una espectaclosa tempèsta de sabla la setmana passada. Lo vidèo permet de veire qu’en mens d’una minuta la nívol de sabla engolís la pista d’aterratge e, a la fin, se’n pòt pas veire res. Los avions deguèron demorar sus tèrra o èsser desviats pendent qualques minutas. E mai se los imatges son impressionants, lo director de comunicacion de l’aeropòrt, Zahiah Naasan, assegurèt a The Jordan Times que los retards mai grands foguèron de vint minutas, pas mai.