Avètz de dificultats per vos endormir? Amb vos non foncionan pas los “metòdes” tradicionals coma beure un veire de lach caud abans de se colcar o comptar de fedas? Podètz ensajar un metòde que, de fach, qualques unes ja l’aplican inconscientament: sortir un pè (o los dos) fòra lo lençòl. Un vidèo animat del New York Magazine ne dona l’explicacion scientifica
 
Lo primièr vidèo de la seccion “The Science of Us” (la sciéncia de nosautres) d’aquela revista nòvayorkesa explica prèviament qualas son las causas basicas per combatre l’insòmnia: evitar la cafeïna a la fin del jorn, quitar los ordenadors e los telefòns mobils longtemps abans de se n’anar dormir, manténer la cambra escura e fresca… Es alavetz que s’explica lo truc “ensajat scientificament” de sortir un pè de jos los lençòls: “Aiçò ajuda a reduire la nòstra temperatura intèrna, es una mena d’indicador al nòstre còrs qu’es ora d’anar dormir”.