An tornat a son proprietari un pòrtafuèlha que perdèt fa 70 ans en Àustria. Aquel òme èra un soldat estatsunidenc durant la Segonda Guèrra Mondiala. Es Josef Ruckhofer que retrobèt lo pòrtafuèlha dins una bòria de son paure pepin defunt.
 
Ruckhofer diguèt a l’AFP, lo 6 d’agost passat, que trobèt lo pòrtafuèlha jos una fusta quand realizava de trabalhs de renovacion de l’ostal de la bòria. Gràcias als documents d’identitat que contenián, saupèt que la trobalha èra d’Eligio Ramos, un soldat estatsunidenc de Tèxas que son batalhon demorèt en Àustria en 1945. Lo portafuèlha conteniá tanben de fòtos de sa femna, de son filh e de sagèls ancians. “Se prenèm en compte qu’ongan commemoran lo 70n anniversari de la fin de la Segonda Guèrra Mondiala, pensèri que seriá una bona idèa de cercar lo proprietari e benlèu de li poder tornar lo pòrtafuèlha s’es encara viu”, çò apondèt.
 
La recèrca foguèt fòrça complicada mas fin finala se capitèt a trobar Eligio Ramos, lo sol subrevivent del sieu batalhon. L’èx-soldat se trobava internat dins un espital mas son filh confirmèt qu’Eligio Ramos perdèt son pòrtafuèlha quand lo sieu batalhon passèt una nuèch dins aquela bòria.