Actualitats
L’èx-clavaire del PP condemnat per corrupcion fa sas vacanças en Occitània
Luis Bárcenas a demandat al jutge 13 jorns de comjat que los passa dins una maison de luxe en la Val d’Aran
L’èx-clavaire del Partit Popular, Luis Bárcenas, condemnat en preson per corrupcion e emblanquiment d’argent, fa sas vacanças en Occitània. Lo jutge li a concedit 13 jorns de comjat e los passarà en la Val d’Aran, dins una maison de luxe a Vaquèira, qu’es sasida perque foguèt, presumidament, pagada amb l’argent del ret de corrupcion. Segon la lei, pòt pas vendre aquel ostalàs, mas si que ne pòt gaudir.
Bárcenas demandèt aqueles 13 jorns de vacanças tre que lo daissèron en libertat jos una caucion de 200 000 èuros après passar sièis meses en preson.
L’afar Gürtel
Bárcenas es condemnat per l’afar Gürtel, un afar politicofinancièr que seguís una enquèsta menada a partir de febrièr de 2009 pel jutge de l’Audiéncia Nacionala espanhòla, Baltasar Garzón. E mai se lo jutge es estat destituit e enseguit, l’afar es encara en cors d’instruccion e implica un presumit ret de corrupcion ligat al Partit Popular (PP).
L’afar Bárcenas
Lo 31 de genièr de 2013, lo jornal espanhòl El Paíspublicava una seguida de documents nomenats “los papièrs de Bárcenas”, que mostravan d’evidéncias de l’implicacion de l’èx-clavaire del Partit Popular (PP) en d’afars de corrupcion coma l’emblanquiment d’argent.
Segon las informacions desveladas per aquel jornal, Luis Bárcenas distribuiguèt d’argent, venent de dons d’entrepresas privadas, als nauts responsables del PP pendent sa gestion coma administrator d’aquela fòrça politica.
Luis Bárcenas foguèt condemnat a dètz e nòu meses de preson en julhet de 2013, acusat de malversacion de fonzes, de blocar d’argent, de portar una dobla comptabilitat e de pagar de gratificacions a de membres del PP. En genièr de 2015 foguèt liberat jos una caucion de 200 000 èuros e cada diluns, dimècres e divendres se deu presentar a l’Audiéncia Estatala (“Audiéncia Nacionala”) espanhòla, un tribunal d’excepcion qu’es en Madrid. Pendent aqueles jorns de comjat se presenta davant lo tribunal de Vielha.
L’escandal es vengut de mai en mai grand dempuèi lo jornal El Mundo, mai d’un còp, a publicat mai de documents sus l’afar e quitament los SMS de telefòn mobil que s’èran mandats Mariano Rajoy e Luis Bárcenas. Segon aqueles messatges se prometiá a Bárcenas qu’intrariá pas en preson. E es precisament tre que l’èx-clavaire intrèt en preson que sa declaracion desvelèt un escandal de finançament illegal e de gratificacions en negre que tocariá lo president espanhòl, Mariano Rajoy, e qualques membres del sieu govèrn.
D’autre caire, cal dire que i a un sector del PP qu’es pas dins lo govèrn, qu’es guidat per l’èx-president José María Aznar e qu’es a desligitimar lo govèrn de Mariano Rajoy. Lo director del jornal El Mundo es partisan d’aquela còla.
Bárcenas demandèt aqueles 13 jorns de vacanças tre que lo daissèron en libertat jos una caucion de 200 000 èuros après passar sièis meses en preson.
L’afar Gürtel
Bárcenas es condemnat per l’afar Gürtel, un afar politicofinancièr que seguís una enquèsta menada a partir de febrièr de 2009 pel jutge de l’Audiéncia Nacionala espanhòla, Baltasar Garzón. E mai se lo jutge es estat destituit e enseguit, l’afar es encara en cors d’instruccion e implica un presumit ret de corrupcion ligat al Partit Popular (PP).
L’afar Bárcenas
Lo 31 de genièr de 2013, lo jornal espanhòl El Paíspublicava una seguida de documents nomenats “los papièrs de Bárcenas”, que mostravan d’evidéncias de l’implicacion de l’èx-clavaire del Partit Popular (PP) en d’afars de corrupcion coma l’emblanquiment d’argent.
Segon las informacions desveladas per aquel jornal, Luis Bárcenas distribuiguèt d’argent, venent de dons d’entrepresas privadas, als nauts responsables del PP pendent sa gestion coma administrator d’aquela fòrça politica.
Luis Bárcenas foguèt condemnat a dètz e nòu meses de preson en julhet de 2013, acusat de malversacion de fonzes, de blocar d’argent, de portar una dobla comptabilitat e de pagar de gratificacions a de membres del PP. En genièr de 2015 foguèt liberat jos una caucion de 200 000 èuros e cada diluns, dimècres e divendres se deu presentar a l’Audiéncia Estatala (“Audiéncia Nacionala”) espanhòla, un tribunal d’excepcion qu’es en Madrid. Pendent aqueles jorns de comjat se presenta davant lo tribunal de Vielha.
L’escandal es vengut de mai en mai grand dempuèi lo jornal El Mundo, mai d’un còp, a publicat mai de documents sus l’afar e quitament los SMS de telefòn mobil que s’èran mandats Mariano Rajoy e Luis Bárcenas. Segon aqueles messatges se prometiá a Bárcenas qu’intrariá pas en preson. E es precisament tre que l’èx-clavaire intrèt en preson que sa declaracion desvelèt un escandal de finançament illegal e de gratificacions en negre que tocariá lo president espanhòl, Mariano Rajoy, e qualques membres del sieu govèrn.
D’autre caire, cal dire que i a un sector del PP qu’es pas dins lo govèrn, qu’es guidat per l’èx-president José María Aznar e qu’es a desligitimar lo govèrn de Mariano Rajoy. Lo director del jornal El Mundo es partisan d’aquela còla.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
tè, mi dona una idèa, vau far parier...
Vau dire que pagarai ma multa (pv per estacionament depassat) après mei vacanças, quora lei sòus rentraràn mai e que voirai ben m'ocupar d'afars tant bassas...
La justícia aspèra monsur barcena, la justícia per ieu m'asperarà ben per 11 €, cresètz pas?
Vacanças en Val d'Aran ? Per aver causida Occitania, aquel membre del PP s'es mal causida la destinacion. Agèsse passat lo Pont del Rei (d'Aragon, plan segur), se seriá pogut congostar de la politica linguistica de França, que tant conven al sieu partit, amic incondicional de totes los pòbles d'Ibèria…
Esperem que l'ostal de luxe, son proprietari es aranés. Se Aran pòt recuperar un pauc de las dardenas raubadas pel PP, òsca! Emai, dins aquestes afars, lo Bàrcenas, acabarà que serà pas lo pus desonèste!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari