Actualitats
Dètz mòrts dins una seguida d’atemptats en Turquia e Curdistan
Après los atacs recents de l’armada turca, lo PKK a decidit a la fin de julhet de metre fin a la trèva unilaterala declarada fa mai de dos ans
Una seguida d’atemptats se debanèt ièr en Turquia e Curdistan, en provocant almens un desenat de mòrts.
D’un costat una veitura cargada d’explosius esclatèt en un comissariat de polícia a Istambol en tuant almens quatre personas. A l’encòp, doas femnas armadas fusilhèron lo consolat estatsunidenc de la meteissa vila, sens causar cap de victima. Aqueles atacs son pas estats revendicats.
De mai, dos autres atacs se passèron en Curdistan turc, dins la província de Şirnex (Şırnak en turc). Quatre policièrs e un soldat moriguèron a causa de l’explosion d’una mina accionada de luènh qu’èra dins lo veïcul que los transportava. D’un autre costat un soldat moriguèt a causa d’un missil que frapèt l’elicoptèr ont viatjava. Aqueles atacs serián presumidament faches pel Partit dels Trabalhadadors de Curdistan (PKK).
Lo PKK a decidit a la fin de julhet de metre fin a la trèva unilaterala declarada fa mai de dos ans. Considèran que l’estat turc a pas avançat dins las negociacions e mai qu’agredís, e que fa pas res per evitar las agressions contra los curds, en tot profechar del conflicte en Siria e Iraq.
Aqueles atemptats arriban qualques oras après una manifestacion pacifica e plena de mond que se debanèt dimenge a Istambol. De milièrs de curds i se rassemblèron per denonciar la politica d’ostilitats del govèrn turc contra lo PKK. Mas s’a Istambol la manifestacion foguèt pacifica, a Cizîre (en turc Cizre), la polícia lancèt de gases lacrimogèns als manifestants, que respondèron amb de bombas artisanalas de benzina.
D’un costat una veitura cargada d’explosius esclatèt en un comissariat de polícia a Istambol en tuant almens quatre personas. A l’encòp, doas femnas armadas fusilhèron lo consolat estatsunidenc de la meteissa vila, sens causar cap de victima. Aqueles atacs son pas estats revendicats.
De mai, dos autres atacs se passèron en Curdistan turc, dins la província de Şirnex (Şırnak en turc). Quatre policièrs e un soldat moriguèron a causa de l’explosion d’una mina accionada de luènh qu’èra dins lo veïcul que los transportava. D’un autre costat un soldat moriguèt a causa d’un missil que frapèt l’elicoptèr ont viatjava. Aqueles atacs serián presumidament faches pel Partit dels Trabalhadadors de Curdistan (PKK).
Lo PKK a decidit a la fin de julhet de metre fin a la trèva unilaterala declarada fa mai de dos ans. Considèran que l’estat turc a pas avançat dins las negociacions e mai qu’agredís, e que fa pas res per evitar las agressions contra los curds, en tot profechar del conflicte en Siria e Iraq.
Aqueles atemptats arriban qualques oras après una manifestacion pacifica e plena de mond que se debanèt dimenge a Istambol. De milièrs de curds i se rassemblèron per denonciar la politica d’ostilitats del govèrn turc contra lo PKK. Mas s’a Istambol la manifestacion foguèt pacifica, a Cizîre (en turc Cizre), la polícia lancèt de gases lacrimogèns als manifestants, que respondèron amb de bombas artisanalas de benzina.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari