Bretanha: se reprimís militarament los que son per la reünificacion del país
En divèrsas manifestacions publicas s’enebís de revendicar la reünificacion del departament del Léger Atlantic dins la region bretona
En quauques jorns, la causa de la reünificacion de Bretanha a conegut dos eveniments significatius: lo primèir se debanèt a An Oriant durant lo celèbre Festenal Interceltic (lo FIL). L’associacion Bretagne Réunie èra estada autorizada per lo president del FIL, l’asturian Lissado Lombardo, de desfilar per la granda mòstra, amb los grops del País Nantés. Los militants de Bretagne Réunie portavan doas bandeiròlas amb l’eslogan “Nantas en Bretanha”. Chasque an, de mileirats d’espectators assistisson a aquela mòstra.
Arribats al costat del passacharrèira que començava, los militants foguèron arrestats per d’inspectors de la DGSI (Direccion Generala de la Seguretat Interiora) e per un comissari de polícia. Segon los foncionaris, avián pas dreit de participar a aquela manifestacion culturala. Aprèp una convèrsa amb lo chap del festenal l’afar foguèt reglat… o aumens es aquò que se pensavan los militants bretons. D’efèit, los mesmes foncionaris de polícia lor barrèron lo chamin davant l’Estadi del Moustoir per lo passacharrèira final e los militants foguèron “expurgats”. Perqué? Seguramant pr’amor que de personalitats se serián sentidas “indispausadas” per aqueles arpalhands e la bandeiròla sediciosa.
A Blaen (Bretanha, País Nantés), lo primèir cònsol e lo conselh municipal avián votat l’installacion d’una pancarta “Breizh 5/5” amb los 5 departaments de Bretanha jos forma d’arminas. Ça que la, la prefectura del departament del Léger Atlantic ordenèt a la municipalitat de desmontar lo panèl, sens donar ges d’explicacion.
Se perpetua lo desmembrament de Bretanha decretat per Pétain
Bretanha es un dels país que mai se son mobilizats dins la reforma territoriala, aprovada per lo govèrn francés. S’i esperava qu’amb aquel reordenament e aquela reduccion de regions, París escotariá l’important clam en favor de la reünificacion del departament del Léger Atlantic e de sa capitala, Nantas, amb la region bretona. Mas l’Assemblada Estatala francesa o refusèt: d’efèit, dins la mapa nòva, aquel departament e la capitala istorica bretona rèstan dins la region dels País de Léger e perpetuan lo desmembrament de Bretanha decretat per Philippe Pétain fa mai de setanta ans.
Fabien Lecuyer / Redaccion
Etiquetas
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
« Bretanha: se reprimís militarament los que son per la reünificacion del país… » E qué cresiatz ? Imaginavètz benlèu que França èra una democracia respectuosa dels dreits umans, del dreit dels pòbles a dispausar d'eles meteisses ? Jamai non o foguèt pas. França foguèt un empèri de conquista militàrias reialas capecianas, puèi venguèt dins lo meteis vam un empèri colonial, siá disent republican. Aqu n'avètz la pròba bèla ! Ieu, non me co,neissi qu'una republica, la del president Francesc Marcià ! França, una democracia respectuosa… E perqué pas Euròpa, tant que i sètz ?
Son aital los fascistes . An pas remei. Petain,lo prefecte de torn, o lo cap del departament, saben que per far merits han de ser ultra nacionalistas franceses.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Lo prètzfach d'en Cazeneuve es criminalitzar tot çò que bolèga a contrabrieu de sas idèas.
« Bretanha: se reprimís militarament los que son per la reünificacion del país… » E qué cresiatz ? Imaginavètz benlèu que França èra una democracia respectuosa dels dreits umans, del dreit dels pòbles a dispausar d'eles meteisses ? Jamai non o foguèt pas. França foguèt un empèri de conquista militàrias reialas capecianas, puèi venguèt dins lo meteis vam un empèri colonial, siá disent republican. Aqu n'avètz la pròba bèla ! Ieu, non me co,neissi qu'una republica, la del president Francesc Marcià ! França, una democracia respectuosa… E perqué pas Euròpa, tant que i sètz ?
Son aital los fascistes . An pas remei. Petain,lo prefecte de torn, o lo cap del departament, saben que per far merits han de ser ultra nacionalistas franceses.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari