Actualitats
Lo “Disc d’aur de las sondas Voyager”: de sons de la Tèrra per los extraterrèstres
La NASA a publicat los sons qu’acompanhan las sondas Voyager, que percorron l’espaci dempuèi 1977
Un motor de veitura, lo galaup d’un caval, lo son de la pluèja e, quitament, un chimpanzé que plora. Son qualques unes dels sons que la NASA los causiguèt per enregistrar lo “Disc d’aur de las sondas Voyager”. Se tracta d’un disc de gramofòn qu’acompanha las sondas espacialas Voyager, lançadas en 1977 e que metràn aperaquí 40 000 ans per arribar als alentorns de l’estela mai pròcha del nòstre Sistèma Solar. Aquel projècte se dessenhèt amb l’intencion de far conéisser l’existéncia de la vida sus la Tèrra a qualque eventuala forma de vida extraterrèstra intelligenta que se poguèsse trobar sul camin. Lo disc, fabricat de coire, fa trenta centimètres de diamètre e es cobèrt d’aur. Ara la NASA n’a publicat lo contengut.
Dins un segond disc, la NASA enregistrèt quaranta cinc saludacions de personas dins de lengas desparièras.
Los disques contenon tanben de messatges de l’èx-president estatsunidenc Jimmy Carter e de l’alavetz secretari general de l’ÒNU Kurt Waldheim. Delà l’àudio, las sondas Voyager contenon tanben una colleccion de cent setze fotografias que reproduson de formas desparièras de vida sus la Tèrra. Las sondas espacialas Voyager son, a l’ora d’ara, los objèctes umans mai alonhats de la Tèrra e, en setembre de 2013, una d’elas venguèt lo primièr objècte creat per l’òme qu’arribèt dins l’espaci interstellar. S’encargan d’estudiar lo Sistèma Solar e d’enviar de donadas a travèrs d’ondas ràdio.
Dins un segond disc, la NASA enregistrèt quaranta cinc saludacions de personas dins de lengas desparièras.
Los disques contenon tanben de messatges de l’èx-president estatsunidenc Jimmy Carter e de l’alavetz secretari general de l’ÒNU Kurt Waldheim. Delà l’àudio, las sondas Voyager contenon tanben una colleccion de cent setze fotografias que reproduson de formas desparièras de vida sus la Tèrra. Las sondas espacialas Voyager son, a l’ora d’ara, los objèctes umans mai alonhats de la Tèrra e, en setembre de 2013, una d’elas venguèt lo primièr objècte creat per l’òme qu’arribèt dins l’espaci interstellar. S’encargan d’estudiar lo Sistèma Solar e d’enviar de donadas a travèrs d’ondas ràdio.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es aital coma dis lo Guilhem. Mas tot acò son colhonades per voler pas admetre lo que diuen las personas qu'en saben, és a dire los astronautas e cosmonautas, e acò es que los extraterrestres existisson. Mas lo pentagona lo que volen es dominar lo monde, far la guerra, atacar a los ovnis, al russos, als xinesos, e a tot cristo. Son atal uns folls, sadics amb els que es pot pas parlar de res.
Tot aquò alara que sabèm ben que Voyager seràn sonque descobèrt pels umans, dins qualques sègles, al moment de l'exploracion de l'espaci, la frontièra finala.
En exclusivitat pel jornalet, avèm recebut l'imatge dels explorators del futurs que tornan trobar la sonda : http://hpics.li/b7eb79f
(Atencion, dins aquel messatge, de referéncias a d'òbras de sciéncia ficcion se son amagats).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari