Actualitats
Lo fuòc de Catalonha reviscòla e menaça d’anar mai enlà
L’autoestrada es dubèrta dempuèi fa qualques minutas. Foncionan tornarmai los trens per Portbou e Cervera de la Marenda, mas la linha del TGV demòra barrada
Segon las donadas de la Generalitat de Catalonha, qualques 9000 ectars son estadas calcinadas, e l’airal afectat es de qualques 13 000 ectars. Fins ara los incendis an provocat 4 mòrts e un vintenat de ferits.
Sus plaça i a un centenat de pompièrs de la Generalitat de Catalonha, qualques 150 militars e un vintenat de mejans aerians de la Generalitat e dels govèrns espanhòl e francés.
“La situacion es plan complicada, la grandor dels 65 Km. de perimètre es malaisida de gerir”, çò disiá lo conselhièr d’Interior de Catalonha, Felip Puig.
La causa mai probabla dels incendis es la punta d’un cigarret alucat, segon an confirmat los agents rurals. Tant l’origina del grand incendi de La Jonquera, qu’es encara viu, coma lo de Portbou, foguèron a ras d’estrada.
L’autoestrada (nomenada A9 al nòrd e AP7 al sud de l’Albera) es dubèrta dempuèi fa qualques minutas. Foncionan tornarmai los trens per Portbou e Cervera de la Marenda, mas la linha del TGV demòra barrada.
Lo govèrn d'Aran a fach un comunicat de sosten e solidaritat.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari