Actualitats
Se tendrà dijòus la segonda assemblada de legeires de Jornalet
La tòca es de metre en comun d’idèas e d’avises e de marcar la linha de seguir del jornal. I poiràn participar tot lo mond que lo legisson
Jornalet convòca la segonda “assemblada dels legeires” d’ongan. Se tracta d’una reünion dobèrta ont lo capredactor del jornal en linha explicarà son trabalh de cada jorn, lo foncionament del mèdia, e escotarà totas las opinions dels legeires que participen a l’assemblada. La tòca es de metre en comun d’idèas e d’avises e marcar la linha de seguir.
Un desenat de personas participèron lo 24 de julhet passat a la primièra session. La reünion se debanèt al taulièr de Macarèl en ocasion de l’Estivada. Demièg las conclusions, cal soslinhar que Jornalet auriá de besonh de mai de cronicaires d’opinion de tendéncias e ideologias mai divèrsas, en tot far aquela tribuna mai transversala e representativa de la societat d’Occitània. Se prepausèt tanplan de nòvas idèas dins los contenguts d’actualitat, coma d’articles qu’expliquen Occitània e son istòria. Se parlèt tanben de melhorar qualque aspècte tecnic.
Dins aquesta segonda assemblada, que se prevei plan mai nombrosa, se definirà la linha de Jornalet per la sason venenta.
Sèm conscients que lo prètzfach es grand e las ressorsas son escarsas, mas esperam de rompre los clichats e los complèxes amb l’ajuda de totes. Sèm pas perfièches e es plan segur que fasèm d’errors. Esperam alavetz que nos ajudaretz a nos melhorar amb los vòstres comentaris, criticas e contribucions. Fasètz-vos vòstre lo Jornalet perque lo Jornalet es de totes.
L’assemblada se debanarà a Vilanuèva d’Òlt (Naut Agenés) dijòus que ven, 20 d’agost, a 17h15, dins l’encastre de l’Escòla Occitana d’Estiu. La reünion se tendrà dins una sala del Licèu l’Ostal [l’Oustal], a la Carrièra Pau Sabatièr (mapa).
Un desenat de personas participèron lo 24 de julhet passat a la primièra session. La reünion se debanèt al taulièr de Macarèl en ocasion de l’Estivada. Demièg las conclusions, cal soslinhar que Jornalet auriá de besonh de mai de cronicaires d’opinion de tendéncias e ideologias mai divèrsas, en tot far aquela tribuna mai transversala e representativa de la societat d’Occitània. Se prepausèt tanplan de nòvas idèas dins los contenguts d’actualitat, coma d’articles qu’expliquen Occitània e son istòria. Se parlèt tanben de melhorar qualque aspècte tecnic.
Dins aquesta segonda assemblada, que se prevei plan mai nombrosa, se definirà la linha de Jornalet per la sason venenta.
Sèm conscients que lo prètzfach es grand e las ressorsas son escarsas, mas esperam de rompre los clichats e los complèxes amb l’ajuda de totes. Sèm pas perfièches e es plan segur que fasèm d’errors. Esperam alavetz que nos ajudaretz a nos melhorar amb los vòstres comentaris, criticas e contribucions. Fasètz-vos vòstre lo Jornalet perque lo Jornalet es de totes.
L’assemblada se debanarà a Vilanuèva d’Òlt (Naut Agenés) dijòus que ven, 20 d’agost, a 17h15, dins l’encastre de l’Escòla Occitana d’Estiu. La reünion se tendrà dins una sala del Licèu l’Ostal [l’Oustal], a la Carrièra Pau Sabatièr (mapa).
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4 As plan causit ton escais d'arlèri: lo Bossuet faguèt pas qu'eissordar lo mond amb sos sermons: "Madama se morìs, Madama es mòrta!" E te dison qu'aquò es de polida pròsa. D'estil pom-pom-pompièr, òc!
Sóc d'Andorra de Terol, que és a la comunitat autònoma d'Aragó. Per favor, no confongueu Andorra de Terol (Aragó) amb el Principat d'Andorra i Andorra la Vella, no tenen res a veure. No sóc català, sóc aragonès, mai he viscut a Catalunya, he viscut sempre a l'Aragó. Amo Catalunya i el català, de la mateixa manera que amo l'occità (amb totes les seves variants, especialment el llenguadocià i el provençal). Llegeixo molt en occità i el sé escriure, això sí, amb moltes errades i dificultats. Occitània, Catalunya, València, Balears, Aragó... per a mi conformen una pàtria del cor. Us deixo un vídeo que faig penjar a Youtube recitant els primers versos de Mirèio de Frederi Mistral: https://youtu.be/PiesybiV45I
#1 Tornat d'un viatge a Andòrra ont ai parlat occitan amb los Andorrans, soi un còp encara obligat de me demandar çò que son los Païses Catalans davant Occitania. Quora vau en Catalonha, parli occitan, e quora torni en Occitania, me cal parlar francés ! Sèm un meteis pòble, una meteissa nacion, copada a dos tròces per de coronas que non èran ni catlanas, ni occitanas. Vos legissi sens diccionari… Nos podètz envasir quora voldrètz ! Aquò se dirà : una visita de familha…
Bona idèa aquera assemblada. E atau haretz lo bilanç deus vòstes pecats e de quan vos costèc lo vòste sectarisme.
#2 Non mos a d'envadir arrés. Mos cau liberar soleti. Totun, era solidaritat internacionalista de Catalonha mos ajuda fòrça e mos deu ajudar encara mès en futur.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari