Actualitats
Contunha lo drama de l’immigracion amb mai de mòrts en Mediterranèa
En Grècia an abilitat un fèrri per aculhir los refugiats mentre que tractan lors documents
Almens quaranta mòrts dins la cala d’un vaissèl
Almens un quarantenat de personas moriguèron dissabte davant la còsta de Libia a causa del naufragi d’un vaissèl que menava aperaquí quatre cents immigrants. O raportèt la Marina Militara italiana, que s’encarga dels prètzfaches de recèrca e salvament, al sud de l’illa de la Lampedosa.
Las personas que son mòrtas viatjavan dins la cala del vaissèl e los gases qu’inalèron las tuèron, segon çò qu’a explicat lo capitani del vaissèl militar que fa los prètzfaches del salvament, Massimo Tozzi. A explicat tanben que la cala es una localizacion reservada pels immigrants que pagan mens d’argent a las màfias per arribar a Euròpa.
Ongan ja son mòrts, almens, 2300 immigrants en ensajant d’arribar en Euròpa a travèrs de la Mar Mediterranèa, segon de donadas de l’Organizacion Internacionala per las Migracions (OIM).
Grècia es subreondada
En Grècia, las autoritats pòdon pas sostenir los centenats d’immigrants e de refugiats qu’arriban cada jorn sus sas còstas. A l’illa de Còs, qu’es la pòrta d’intrada de la majoritat, i a agut de susmautas a causa de la manca de noiridura, d’aiga o d’atencion sanitària.
Per afrontar la subrepopulacion e las violéncias, las autoritats an començat de lotjar los refugiats, mai que mai de sirians, dins un fèrri que s’emplega normalament per far de viatges entre Grècia e Itàlia. Se tracta del vaissèl Eleftherios Venizelos que ja aculhís, provisòriament, 2500 personas mentre que tractan lors documents de residéncia que lor permetràn de viatjar vèrs d’autres païses de l’Union Europèa.
Almens un quarantenat de personas moriguèron dissabte davant la còsta de Libia a causa del naufragi d’un vaissèl que menava aperaquí quatre cents immigrants. O raportèt la Marina Militara italiana, que s’encarga dels prètzfaches de recèrca e salvament, al sud de l’illa de la Lampedosa.
Las personas que son mòrtas viatjavan dins la cala del vaissèl e los gases qu’inalèron las tuèron, segon çò qu’a explicat lo capitani del vaissèl militar que fa los prètzfaches del salvament, Massimo Tozzi. A explicat tanben que la cala es una localizacion reservada pels immigrants que pagan mens d’argent a las màfias per arribar a Euròpa.
Ongan ja son mòrts, almens, 2300 immigrants en ensajant d’arribar en Euròpa a travèrs de la Mar Mediterranèa, segon de donadas de l’Organizacion Internacionala per las Migracions (OIM).
Grècia es subreondada
En Grècia, las autoritats pòdon pas sostenir los centenats d’immigrants e de refugiats qu’arriban cada jorn sus sas còstas. A l’illa de Còs, qu’es la pòrta d’intrada de la majoritat, i a agut de susmautas a causa de la manca de noiridura, d’aiga o d’atencion sanitària.
Per afrontar la subrepopulacion e las violéncias, las autoritats an començat de lotjar los refugiats, mai que mai de sirians, dins un fèrri que s’emplega normalament per far de viatges entre Grècia e Itàlia. Se tracta del vaissèl Eleftherios Venizelos que ja aculhís, provisòriament, 2500 personas mentre que tractan lors documents de residéncia que lor permetràn de viatjar vèrs d’autres païses de l’Union Europèa.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ont sembla que naufraguen e moren molts d'emigrants és anant cap a Itàlia des de Libia. Aquò ho a causat la guerra contra Gadafi, foten una guerra per empijorar las causes de la poblacion de Libia,que almenys abans podia viure, mas ara es la fam e han de partir de son país. Hagués valgut mai qu'en loc de far la guerra contra la Libia l'otan s'hagués bombardejat caseva.
De que fan los servicis d'assisténcia turcs? Ajudan pas? Filman e basta?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari