Las autoritats chinesas evacuèron dissabte passat totes los residents dins un rai de tres quilomètres de la zòna ont, dimècres passat, se debanèt una explosion, a Tianjin, al nòrd-èst de China. Lo nombre de mòrts despassa lo centenat, los ferits son qualques centenats.
 
Al delà de l’explosion de dimècres passat, pendent la dimenjada n’i a agudas de nòvas dins lo meteis magazin de produches quimics, que poirián èsser provocadas pels pompièrs que trabalhan sens relambi per contrarotlar la catastròfa.
 
L’explosion de dimècres passat causèt una bòla de fuòc enòrma, un bruch e un tremoladís que se poguèt percebre dins un perimètre de mai de dètz quilomètres.
 
Partejam çai jos un vidèo del jornal The Guardian enregistrat per un ciutadan estatsunidenc resident en China. Èra força luènh del luòc de l’explosion, e mai se se pòt veire fòrça clarament las explosions espantantas.