Actualitats
Un voltor salvatge tuat per un planador al Pargue Natural de Mercantorn
Es enebit de subrevolar la zòna protegida mas los agents del pargue an ja constatat mai d’un centenat de subrevòls irregulars aqueste estiu
Un voltor seriá estat tuat al mitan de julhet en Ubaia per un planador, segon lo Pargue Natural Nacional de Mercantorn, qu’es a cercar l’aeronau en infraccion; aital o publica Le Figaro.
Lo planador volava près del Mont Pelat e auriá percutit l’aucèl protegit quand preniá d’ascendéncia, “en plena zòna protegia de subrevòl a mens de 1000 mètres del sòl”, çò precisa la direccion del pargue dins un comunicat. Dos caminaires foguèron testimònis de la collision.
Après trobar la bèstia mòrta, un voltor salvatge, lo Pargue Natural de Mercantor a decidit de dreiçar un procès verbal per “destruccion d’espècia protegida e subrevòl al dessús del còr del pargue a mens de 1000 mètres del sòl sens autorizacion”.
Mentre que se debana l’enquèsta, los agents del pargue afirman qu’an ja constatat mai d’un centenat de subrevòls irregulars aqueste estiu.
Lo planador volava près del Mont Pelat e auriá percutit l’aucèl protegit quand preniá d’ascendéncia, “en plena zòna protegia de subrevòl a mens de 1000 mètres del sòl”, çò precisa la direccion del pargue dins un comunicat. Dos caminaires foguèron testimònis de la collision.
Après trobar la bèstia mòrta, un voltor salvatge, lo Pargue Natural de Mercantor a decidit de dreiçar un procès verbal per “destruccion d’espècia protegida e subrevòl al dessús del còr del pargue a mens de 1000 mètres del sòl sens autorizacion”.
Mentre que se debana l’enquèsta, los agents del pargue afirman qu’an ja constatat mai d’un centenat de subrevòls irregulars aqueste estiu.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari