Dempuèi diluns passat, 17 d’agost, son dobèrtas las inscripcions per far d’estudis occitans a l’Universitat Pau Valèri-Montpelhièr 3. Se pòt seguir aqueles estudis en presencial e tanben a distància.
 
La formacion en presencial compren de corses de lenga, literatura, civilizacion, dialectologia e istòria occitanas. Tocant l’ensenhament a distància, los corses teorics e los exercicis son corregits regularament pels professors que vos permeton d’avalorar la vòstra progression, las inscripcions son dobèrtas sul sit de l’EAD. En novembre s’organiza un rescontre presencial d’estudiants e professors.
 
Son tanplan possibles la licéncia de sièis semèstres e lo mastèr de 1a e 2a annada.
 
Podètz demandar una informacion personalizada e prene un rendètz-vos telefonic en escrivent a oc-info@... e mai podètz consultar la pagina Facebook del departament.
 
Delà Montpelhièr, se pòt far d’estudis occitans dins las universitats de Bordèu-Montanha, Tolosa-Joan Jaurés, París-Sorbona (França) e Lhèida (Catalonha).