Actualitats
Recòrd d’immigrants e de refugiats que travèrsan la Mediterranèa
De genièr fins ara aperaquí 240 000 personas an riscat lors vidas per cercar la sosta de l’Union Europèa
Lo nombre de personas immigradas o refugiadas qu’an traversat la Mediterranèa en cèrca de la sosta de l’Union Europèa es dins son recòrd mai absolut. Segon un reportatge de TV3, aperaquí 240 000 personas an crosat la mar dempuèi lo començament de l’annada. Aquela chifra es un recòrd tanben en tragèdia, que cada jorn se salva mai de mila personas naufragadas, e se sap que i a mai de 2000 mòrts.
La rota d’Itàlia
D’aquel gaireben quart de milion de personas, la mitat an ensajat de viatjar per la rota mai riscada, a mar dobèrta de Libia fins a las illas de la Lampedosa o de Sicília. Los que capitan a metre los pès sus tèrra se’n van cap al nòrd. Las tòcas mai desiradas son Alemanha, los païses escandinaus, França e la Granda Bretanha. Dins aquela rota trobam de vertadièras situacions de crisi umanitària, coma la que se debana a Calais, ont los refugiats demòran blocats en poder pas aténher lo Reialme Unit.
La rota de Grècia
Mas la rota mai emplegada es a travèrs de Turquia. D’ailà, cèrcan las illas grègas mai pròchas coma Còs o Lèsbos, que son a qualques quatre quilomètres de la còsta turca. D’ailà cèrcan d’arribar al Pirèu, lo pòrt d’Atenas, e se’n van normalament al nòrd-oèst: vèrs Macedònia, Serbia o Ongria. La situacion en Còs es dramatica. I son arribats aperaquí 7000 refugiats e l’illa a pas pro de ressorsas per los aculhir. Per afrontar la subrepopulacion e las violéncias, las autoritats an començat de lotjar los refugiats, mai que mai de sirians, dins un fèrri que s’emplega normalament per far de viatges entre Grècia e Itàlia. Se tracta del vaissèl Eleftherios Venizelos que ja aculhís, provisòriament, 2500 personas mentre que i tractan lors documents de residéncia que lor permetràn de viatjar vèrs d’autres païses de l’Union Europèa.
Ongria dreiça una barrièra de fil d’aram
Ongria es la pòrta d’intrada a Schengen pels que travèrsan los Balcans a pè. Mas l’estat ongrés dreiça sus sa frontièra amb Serbia un mur de fil d’aram per blocar lo passatge dels refugiats, çò publica Libération. An ja bastit los primièrs setanta quilomètres e ne demòran cent.
Alemanha, lo destin somiat
Alemanha es lo destin somiat per la majoritat dels refugiats. Lo país d’Angela Merkel acomola un tèrç de las demandas d’asil de tota l'Union Europèa. Arunan se’n demandèt 200 000 e se prevei qu’ongan se’n demande 600 000. Per comparar, lo Reialme Unit ne recep 170 000. Ara, Alemanha vòl amendrir las prestacions que recebon los demandaires d’asil.
Una maraton de patiment
Los jornalistas de TV3, Nicolás Valle e Jordi Díaz, son anats dins una d’aquelas frontièras mai caudas, entre Grècia e Macedònia, e an seguit un tròç d’aquel maraton de patiment dels refugiats. An començat aital una sèria de videoreportatges que los ofriràn cada jorn dins los programas informatius.
La rota d’Itàlia
D’aquel gaireben quart de milion de personas, la mitat an ensajat de viatjar per la rota mai riscada, a mar dobèrta de Libia fins a las illas de la Lampedosa o de Sicília. Los que capitan a metre los pès sus tèrra se’n van cap al nòrd. Las tòcas mai desiradas son Alemanha, los païses escandinaus, França e la Granda Bretanha. Dins aquela rota trobam de vertadièras situacions de crisi umanitària, coma la que se debana a Calais, ont los refugiats demòran blocats en poder pas aténher lo Reialme Unit.
La rota de Grècia
Mas la rota mai emplegada es a travèrs de Turquia. D’ailà, cèrcan las illas grègas mai pròchas coma Còs o Lèsbos, que son a qualques quatre quilomètres de la còsta turca. D’ailà cèrcan d’arribar al Pirèu, lo pòrt d’Atenas, e se’n van normalament al nòrd-oèst: vèrs Macedònia, Serbia o Ongria. La situacion en Còs es dramatica. I son arribats aperaquí 7000 refugiats e l’illa a pas pro de ressorsas per los aculhir. Per afrontar la subrepopulacion e las violéncias, las autoritats an començat de lotjar los refugiats, mai que mai de sirians, dins un fèrri que s’emplega normalament per far de viatges entre Grècia e Itàlia. Se tracta del vaissèl Eleftherios Venizelos que ja aculhís, provisòriament, 2500 personas mentre que i tractan lors documents de residéncia que lor permetràn de viatjar vèrs d’autres païses de l’Union Europèa.
Ongria dreiça una barrièra de fil d’aram
Ongria es la pòrta d’intrada a Schengen pels que travèrsan los Balcans a pè. Mas l’estat ongrés dreiça sus sa frontièra amb Serbia un mur de fil d’aram per blocar lo passatge dels refugiats, çò publica Libération. An ja bastit los primièrs setanta quilomètres e ne demòran cent.
Alemanha, lo destin somiat
Alemanha es lo destin somiat per la majoritat dels refugiats. Lo país d’Angela Merkel acomola un tèrç de las demandas d’asil de tota l'Union Europèa. Arunan se’n demandèt 200 000 e se prevei qu’ongan se’n demande 600 000. Per comparar, lo Reialme Unit ne recep 170 000. Ara, Alemanha vòl amendrir las prestacions que recebon los demandaires d’asil.
Una maraton de patiment
Los jornalistas de TV3, Nicolás Valle e Jordi Díaz, son anats dins una d’aquelas frontièras mai caudas, entre Grècia e Macedònia, e an seguit un tròç d’aquel maraton de patiment dels refugiats. An començat aital una sèria de videoreportatges que los ofriràn cada jorn dins los programas informatius.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5 Avètz rason, Guilhèm. Vòstre vejaire escurantista sus la societat ditz que cal totjorn caçar los que son pas d'acòrdi. Se necessari, escambiaretz tota la populacion indigena europèa per provar que l'immigracion massissa es una bona causa. E quand tots los qu'èran pas d'acòrdi seràn pus aquí, serà vòstre torn de partir.
E afanatz-vos d'anar votar, trefolissants, per aqueles franchimands del FN ! Ane ! Aital, al nom de "la resisténcia nacionala" e de la "guèrra de civilizacion" auràn lèu fach de vos fotre lo francés dins la boca, a còp de punh aqueste còp. Al mens n'en acabarem...
Ou pecarias ! Es vosautres que las avètz las claus d'aquelas abissas que nos en fasètz lo presic e que, fin finala, semblatz apelar del vòstre còr.
#4
#1
Ieu, escambiariá plan dos plen de ràbia e de mesprés per dos qu'arriban.
Vivèm la fin de l'estat de benestar en Euròpa. Los "refugiats" s'arrèstan pas dins lo primièr país que son en securitat. Non, contunhan lor camin dusca Euròpa ont mancaràn pas de reclamar tot çò que lor cal. Euròpa qu'organiza la naveta entre Africa e Itàlia, e entre las islas grècas e Grècia continentala, s'estona dels dramas umans que vesèm als còls de botelha seguents, Calais o la frontièra macedoniana. E la premsa, compliça de l'autodestruccion de nòstre continent, arrèsta pas de nos embucar d'imatges de dròlles en plors.
#1 Soi d'acòrdi qu'un futur djihadista pòt pas enriquir pas una civilizacion que li fa venir lo vòmit. Mas lo Jean Marie Le Pen possiblament afogat de la civilizacion greco-latina, fins ara a fòrça mai enriquit son pòrtamoneda que la civilizacion. Los islamistas creisson sul fems de la misèria e de la dictatura e gràcias a la cretinariá. Vos rapelarai que mai d'un dictator son amics dels nòstres caps d'estat. Lo president francés foguèt convidat a l'escasença de l'inauguracion de l'alargament del canal de Suez. Es pas aquò qu'enriquirà los paures d'Egipte. E dels dreches umans vos en parli pas. Vos rementarai tanben lo ròtle de las grandas entrepresas occidentalas e francesas ( civilizacion greco-latina ) que quitan pas de pilhar las riquesas d'Africa per exemple ( petròli, minièras de tota mena ). E al pòble lor laissan la micalha e la pollucion. E volèm que las gents demoren dins lo sieu país ? A mon vejaire es irrealista. Una darrièra causa : l'èx-president de la granda republica francesa Jacques Chirac foguèt convidat a gràtis pel democrata marroquin Mohamed VI per las vacanças. A causa de la malautiá Jacques Chirac a oblidat la faula del bruch e de las odors ( o ferum benlèu ).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari