Ven d’espelir una nòva webràdio nomenada lo Gat. Se definís coma “la ràdio pels afo-gats de Groove” e es, d’efièch, una ràdio plan musicala mesa en marcha fa una setmana en Occitània e que ja compta amb d’auditors en Japon, en Canadà, als Estats Units, en Argeria, en Grècia, en Turquia, en Espanha, en França, en Nòva Zelanda, a la Reünion, en Catalonha e, de segur, en Occitània.
 
“Ràdio lo Gat, qu’es aquò? Es de reggae, de funk, de Motown, d’hip-hop... de groove”, çò dison la còla de la ràdio felina sus lor sit de Facebook, ont tanben soslinhan que “lo Gat coneis sos classics” coma James Brown, IAM, Diana Ross, Bob Marley, Etta James, Sugar Hill Gang, Aretha Franklin, Nina Simone, Imagination, Jimmy Cliff, Marvin Gaye...
 
Escotatz Ràdio lo Gat sus: www.radioking.fr/radio/radio-lo-gat