Actualitats
L’Estat Islamic a destruch lo temple de Baal Shamin a Palmira
Creson que la destruccion se seriá debanada fa aperaquí un mes, mas ven d’èsser raportada adès
L’Estat Islamic (EI) a destruch lo temple de Baal Shamin, un dels mai importants de l’anciana vila siriana de Palmira, segon çò que rapòrta l’Observatòri Sirian dels Dreches Umans. Las roïnas de l’epòca romana èran Patrimòni Mondial de l'UNÈSCO e foguèron ocupadas lo mes de mai passat pel grop islamista. Dempuèi alavetz òm temiá que foguèsson demolidas.
“De fonts fisablas an raportat a l’Observatòri Sirian dels Dreches Umans que l’Estat Islamic faguèt volar lo temple de Baal de la vila arqueologica de Palmira”, çò explica l’ONG dins una fiulada suls rets socials. Creson que la destruccion se seriá debanada fa aperaquí un mes.
Fa a pena una setmana, l’EI assassinèt Khalid Al Asad, cap de d’arqueologia de la vila de Palmira. Pendent mièg sègle el aviá dirigit la conservacion de las antiquitats e fa un mes foguèt detengut pels jihadistas. En junh dos santuaris foguèron tanben destruches, que fasián pas partida de l’èra romana de la vila, e mai se los terroristas los considerèron tals. Pasmens, abans que la vila foguèsse ocupada, las autoritats sirianas avián transportat qualques estatuas ancianas en un luòc mai segur.
La vila de Palmira
Palmira es una oasi plaçada al mièg del desèrt de Siria, poblada dempuèi l’epòca paleolitica. Per sa situacion geografica venguèt una escala dins fòrça rotas importantas de l’istòria dempuèi l’Edat Antica. A l’epòca romana Palmira venguèt un dels centres culturals del Mond Ancian e lo mercat mai important dels produches que venián d’Orient, perque fasiá partida de la rota comerciala que jonhiá Orient e Occident. Amb lo temps venguèt un luòc estrategic del ponch de vista militar, mai que mai a partir del sègle III.
L’art e l’arquitectura i combinan las tecnicas grècoromanas amb las tradicions localas e las influéncias pèrsas. De fach Palmira exerciguèt una influéncia decisiva dins l’evolucion de l’arquitectura neoclassica e l’urbanizacion modèrna, segon çò que rapòrta Núvol. La revista catalana apond que Palmira es l’exemple d’un ancian complèxe urbanizat. Cal soslinhar una impressionanta carrièra de colomnas que fa 1100 mètres de long. Aquí se pòt remarcar l’importanta creissença artistica que s’i desvolopèt. La carrièra jonhiá los monuments publics mai importants: lo Temple de Baal que venon de destruire, lo Camp de Dioclecian, l’agòra, lo teatre, d’autres temples e los quartièrs de la ciutat. Lo cementèri, una enòrma necropòli, se tròba fòra los barris ont tanben se pòt encara veire un aqüeducte roman.
La vila foguèt redescobèrta per de viatjaires a l’entorn dels sègles XVII e XVIII.
“De fonts fisablas an raportat a l’Observatòri Sirian dels Dreches Umans que l’Estat Islamic faguèt volar lo temple de Baal de la vila arqueologica de Palmira”, çò explica l’ONG dins una fiulada suls rets socials. Creson que la destruccion se seriá debanada fa aperaquí un mes.
Fa a pena una setmana, l’EI assassinèt Khalid Al Asad, cap de d’arqueologia de la vila de Palmira. Pendent mièg sègle el aviá dirigit la conservacion de las antiquitats e fa un mes foguèt detengut pels jihadistas. En junh dos santuaris foguèron tanben destruches, que fasián pas partida de l’èra romana de la vila, e mai se los terroristas los considerèron tals. Pasmens, abans que la vila foguèsse ocupada, las autoritats sirianas avián transportat qualques estatuas ancianas en un luòc mai segur.
La vila de Palmira
Palmira es una oasi plaçada al mièg del desèrt de Siria, poblada dempuèi l’epòca paleolitica. Per sa situacion geografica venguèt una escala dins fòrça rotas importantas de l’istòria dempuèi l’Edat Antica. A l’epòca romana Palmira venguèt un dels centres culturals del Mond Ancian e lo mercat mai important dels produches que venián d’Orient, perque fasiá partida de la rota comerciala que jonhiá Orient e Occident. Amb lo temps venguèt un luòc estrategic del ponch de vista militar, mai que mai a partir del sègle III.
L’art e l’arquitectura i combinan las tecnicas grècoromanas amb las tradicions localas e las influéncias pèrsas. De fach Palmira exerciguèt una influéncia decisiva dins l’evolucion de l’arquitectura neoclassica e l’urbanizacion modèrna, segon çò que rapòrta Núvol. La revista catalana apond que Palmira es l’exemple d’un ancian complèxe urbanizat. Cal soslinhar una impressionanta carrièra de colomnas que fa 1100 mètres de long. Aquí se pòt remarcar l’importanta creissença artistica que s’i desvolopèt. La carrièra jonhiá los monuments publics mai importants: lo Temple de Baal que venon de destruire, lo Camp de Dioclecian, l’agòra, lo teatre, d’autres temples e los quartièrs de la ciutat. Lo cementèri, una enòrma necropòli, se tròba fòra los barris ont tanben se pòt encara veire un aqüeducte roman.
La vila foguèt redescobèrta per de viatjaires a l’entorn dels sègles XVII e XVIII.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los barbars de l'estat islamic haurien d'anar a aprene a legir e escriure, perque es veu que son lo mai beneïts e retrassats mentals que se troba per lo monde. La cultura los fa paur coma a los nazis.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari