Actualitats
Pau: Libertat manifèsta sa solidaritat amb Curdistan
Lo movement occitanista lausa la “resisténcia gloriosa” del pòble curd “que lutan tanben entà aver un estat pròpri, qu’ei tanben ua luta de liberacion nacionala”
Lo movement occitanista revolucionari Libertat manifestèt dissabte 22 d’agost passat a Pau, en solidaritat amb Curdistan, e contra lo sosten del govèrn francés al govèrn d’Ankara.
La protèsta denonciava tanplan los atacs de l’armada turca contra los milicians curds que luchan contra los jihadistas. Lo 24 de julhet passat, en tot profechar d’un atac contra las posicions de l’Estat Islamic, l’armada de Turquia ataquèt deliberadament las fòrças curdas.
Libertat aviá ja donat son sosten a l’organizacion SGDF, una federacion d’associacions de joves socialistas curds que foguèt crusèlament atacada per l’Estat Islamic al Curdistan de l’estat turc, dins un centre cultural de Pirsûs (en turc Suruç), e que i moriguèron un cinquantenat de personas. Los joves socialistas curds èran a presentar lo plan de reconstruccion de Kobanê. Cal soslinhar qu’après l’atemptat jihadista, la polícia turca reprimiguèt los subrevivents del masèl amb de gases lacrimogèns e d’aiga cauda jos pression.
Es aital que lo movement occitanista independentista condemna d’un costat lo govèrn turc e de l’autre “la barbariá islamista de Daish” que segon eles “a coma objectiu pas que la somission, la denegacion deus pòbles e la lor espleita, causas que son partejadas peus estats imperialistas que mian la «coalicion» contra Daish.”
Libertat tanben lausa la “resisténcia gloriosa” del pòble curd “que lutan tanben entà aver un estat pròpri, qu’ei tanben ua luta de liberacion nacionala. L’estat turc que s’ei bastit suu modèl nacionau francés: un estat, ua lenga, ua nacion. L’estat francés que hè la medisha politica dab las soas minoritats nacionalas que l’estat turc, la diferéncia que’s tròba dens lo nivèu de desvolopament economicosociau de cada estat, non pas suu hons”, çò declara Libertat.
La protèsta denonciava tanplan los atacs de l’armada turca contra los milicians curds que luchan contra los jihadistas. Lo 24 de julhet passat, en tot profechar d’un atac contra las posicions de l’Estat Islamic, l’armada de Turquia ataquèt deliberadament las fòrças curdas.
Libertat aviá ja donat son sosten a l’organizacion SGDF, una federacion d’associacions de joves socialistas curds que foguèt crusèlament atacada per l’Estat Islamic al Curdistan de l’estat turc, dins un centre cultural de Pirsûs (en turc Suruç), e que i moriguèron un cinquantenat de personas. Los joves socialistas curds èran a presentar lo plan de reconstruccion de Kobanê. Cal soslinhar qu’après l’atemptat jihadista, la polícia turca reprimiguèt los subrevivents del masèl amb de gases lacrimogèns e d’aiga cauda jos pression.
Es aital que lo movement occitanista independentista condemna d’un costat lo govèrn turc e de l’autre “la barbariá islamista de Daish” que segon eles “a coma objectiu pas que la somission, la denegacion deus pòbles e la lor espleita, causas que son partejadas peus estats imperialistas que mian la «coalicion» contra Daish.”
Libertat tanben lausa la “resisténcia gloriosa” del pòble curd “que lutan tanben entà aver un estat pròpri, qu’ei tanben ua luta de liberacion nacionala. L’estat turc que s’ei bastit suu modèl nacionau francés: un estat, ua lenga, ua nacion. L’estat francés que hè la medisha politica dab las soas minoritats nacionalas que l’estat turc, la diferéncia que’s tròba dens lo nivèu de desvolopament economicosociau de cada estat, non pas suu hons”, çò declara Libertat.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
haha.
Una mani que coma totas las fermas, son pas de milierats de participants. Mas cal las far, e cridar e parlar occitan per carrieras, mostrar las bandiera, repartir propaganda escrita en occitan, e s'es possible un pauc de musica occita. Repartir banderetas occitanas a la gent que passa, confits e caramels amb sos colors. E perquè non, un pauquet de vin de la terra a los paures passejaires assadegats.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari