Actualitats
De centenats d’austrians aplaudisson los refugiats qu’arriban en tren fins a Viena
Mentretant en Ongria, la polícia enebís d’intrar dins la gara los centenats de refugiats sirians que brandan lors bilhetas e que vòlon viatjar fins en Alemanha
La dura e complicada marcha dels milièrs de refugiats per l’Euròpa de l’èst, que son en transit sustot cap a Alemanha, es dificultada per la manca de reaccion de l’Union Europèa. Tanben es plena de moments de solidaritat dels ciutadans. Coma la que recebèron los viatjaires que, venent de Budapèst, arribèron diluns en tren a l’estacion de Westbahnhof, a Viena.
De centenats d’austrians los aculhiguèron al cai amb d’aplaudiments, de crits e d’afichas de sosten quand davalavan del tren.
La polícia calculèt que diluns arribèron a la gara de Westbahnhof 3650 refugiats, que lor oferiguèron d’aiga e de manjar. La majoritat son a contunhar lo viatge cap a la frontièra amb Alemanha.
Manifestacion de solidaritat al centre de Viena
La mòstra de solidaritat ciutadana al cai de la gara de Viena foguèt pas la sola que se visquèt diluns dins la capitala austriana. De ser, aperaquí vint mila personas participèron a una manifestacion pel centre vila en favor del drech d’asil e en sosten als milièrs de refugiats qu’arriban en Euròpa, en fugissent los païses en conflicte.
Ongria barra lo pas als refugiats sirians que se dirigisson vèrs Alemanha
Mentretant en Ongria, la polícia enebís lo passatge als centenats de refugiats sirians que vòlon accedir a la gara de Keleti, a Budapèst, per anar en Alemanha e Àustria. La multitud acampada a l’exterior crida “Alemanha” e branda las bilhetas de tren qu’an crompadas per viatjar fins a lor destinacion, mas dempuèi diluns passat la polícia lor enebís lo passatge.
Fòrça d’aqueles refugiats, fa de setmanas que son acampats a Keleti e que protèstan per que se los permeta de contunhar lor viatge. Dimenge passat, près d’un milièr d’eles obtenguèron de pojar dins los trens a destinacion d’Àustria, Salzborg e Munic, coma de pòrtas d’Occident. Mas la trèva durèt pauc e ièr de matin la polícia ongresa lor tornèt barrar lo passatge e lor empediguèt l’accès als cais. A l’ora d’ara los policièrs daissan solament intrar los ongreses e enebisson l’intrada dels refugiats que contunhan d’esperar en defòra de la bastissa.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Austria és una meravelha, un país neutral,sense practicament exèrcit e la milhor qualitat de vida del monde. La dreta europea son los que han armat tant la guerra de Siria coma la de Libia, e ara la gent afamegada fuig de sos països. Naturalament la guerra es organizada per lo pentagon e l'arabia saudita que hi posa els diners. Mas las Nacions Unidas venen blocadas pel veto dels eeuu quan se denuncia a l'Assemblea los crims de guerra de la dreta mundial.
Cal mercejar aquestes austrians que nos fan remarcar que i a mai que de nostalgics de Jorg Haider dins aquel paìs.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari