Actualitats
Crisi dels refugiats: caos e brutalitat en Ongria
Las autoritats europèas pensan d’engrandir lo nombre de refugiats que son lèstas per aculhir
Las scènas dramaticas contunhan d’èsser abitualas tocant la crisi de refugiats provenent de Siria. En Ongria arriban de milièrs de refugiats dempuèi qualques jorns. Lor tòca es de prene qualque tren que los mene cap a Àustria o Alemanha. L’estacion de Budapèst es estada barrada dempuèi tres jorns. Mas la polícia qu’empedissiá l’intrada dels refugiats dins la gara se retirèt ièr de matin, e los refugiats intrèron dedins en montant suls trens que i èran estacionats. Los responsables de la gara los faguèron davalar en lor disent que i aviá pas cap de tren vèrs Alemanha.
D’un autre costat, dos trens comols de refugiats se metèron en marcha, mas la polícia aturèt lo convòi qualques minutas puèi, quand se trobavan a dètz quilomètres de Budapèst. Alavetz, la polícia faguèt davalar totòm del tren en los menar vèrs un camp de refugiats. La majoritat dels refugiats an assajat de defugir aquel destin que l’esperavan pas.
Lo president d’Ongria, Viktor Orban, se reüniguèt amb lo president del parlament europèu, Martin Schulz, per parlar de l’intrada dels refugiats que vòlon anar al centre d’Euròpa. Orban afirmèt qu’es pas un problèma europèu mas d’Alemanda, “perque totes vòlon anar dins aquel país e vòlon pas demorar en Ongria”. Lo president ongrés diguèt tanben que Schengen èra en perilh pr’amor que la crisi dels refugiats es fòra contraròtle dels caps europèus.
Totun, los principals dirigents de l’UE fan de reünions per avançar vèrs un acòrdi sul despartiment de refugiats. Divèrses mèdias internacionals rapòrtan l’ampliament del nombre de refugiats que los païses europèus son dispausats a aculhir —aperaquí 120 000 en mai dels 40 000 que s’anoncièt fa qualques jorns—.
D’un autre costat, dos trens comols de refugiats se metèron en marcha, mas la polícia aturèt lo convòi qualques minutas puèi, quand se trobavan a dètz quilomètres de Budapèst. Alavetz, la polícia faguèt davalar totòm del tren en los menar vèrs un camp de refugiats. La majoritat dels refugiats an assajat de defugir aquel destin que l’esperavan pas.
Lo president d’Ongria, Viktor Orban, se reüniguèt amb lo president del parlament europèu, Martin Schulz, per parlar de l’intrada dels refugiats que vòlon anar al centre d’Euròpa. Orban afirmèt qu’es pas un problèma europèu mas d’Alemanda, “perque totes vòlon anar dins aquel país e vòlon pas demorar en Ongria”. Lo president ongrés diguèt tanben que Schengen èra en perilh pr’amor que la crisi dels refugiats es fòra contraròtle dels caps europèus.
Totun, los principals dirigents de l’UE fan de reünions per avançar vèrs un acòrdi sul despartiment de refugiats. Divèrses mèdias internacionals rapòrtan l’ampliament del nombre de refugiats que los païses europèus son dispausats a aculhir —aperaquí 120 000 en mai dels 40 000 que s’anoncièt fa qualques jorns—.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
a d'encar'n pauc oblidavi la referénjcia literària indispensabla . Voltaire ei pereu l'autor d'una tragedia en cinc acters e en alexandrins Mahomet ou de la tolerance que Goethe ne faguèt puei una traduccion alemanda e fai una quin zena d'annadas, quora un teatre soïsse la vouguèt representar a Zürich, lei musulmans d'ailà faguèron tant de ramadan que li deguèron renonciar; de pertot dins lo mond Mahomet ou de l'intolérance
veni de vèire dins l'eicelenta emission de Vincent Hervouët ainsi v a le monde dessus LCI , cadena d'informacion continüa, lo paire curde d'aquel infortunat enfant negat en vouguènt quitar la Turquia que s'apren non pas ai pais europens quje tot compte fach an sauvat sai pas quand de gents dei naufratges, mai ai pais musulmans vesins en primier luòc la Turquia que sosten sota man l'estat islamic e que sei garda-còstas se gardon ben de venir a l'ajuda d'aquelei que se negan, au contra de ço que se fai sus lei costas de Libia, e subretot a l'Arabia saodita e ais emirats petroliers que duerbon pas sei frontieras ai refugiats. visca lo pòble curd qu'ei lo solet d'aguer resistit a DAÊSH e saludem Poutin que ben lèu prendrà la tèsta d'una coalicion Iran, Bachard el Assad, Iraq, Egipt e de toti aquelei que vòlon luchar de bòn contre lo flèu islamic ! écrasons l'infâme comme disait Voltaire !
#1 Se seguissi lo vòstre comentari, adonc, la melhora "solucion" per luchar contre l'imigracion (s'òm voliá lucha contra) seriá de far d'occitània un ancian satelite de l'URSS ...
:D
Pertocam aicí la sciéncia ficcion (qu'es mon domèni favorit ça que la).
Ensolelhatz ma jornada.
#1 MISERICORDIA disetz ? ? ? On es ?
#1 Son de personas umanas, que luchan per lors vidas, en fugissent d'unas guèrras que las armas son fabricadas als Estats Units e França, e las ideologias tanben.
Son de personas umanas que luchan per lors vidas.
Siatz los benvenguts. Partejarem çò qu'avem per vos ajudar. En ensems lucharem contra la guèrra.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari