Actualitats
Un pompièr volontari de Menerbés mes en examen per causar d’incendis
Lo presumit piroman èra pompièr volontari a Lonzac e conselhièr muncipal d’Omps e poiriá èsser a l’origina d’un seissantenat d’incendis
Un pompièr volontari de Lonzac, tanben conselhièr municipal d’Omps (Menerbés), foguèt mes en examen ièr a Besièrs, suspècte qu’es d’aver causat mai d’un incendi, segon çò que rapòrta L’Indépendant. Se tracta d’un vinhairon de 47 ans e òme de reng en cò dels pompièrs volontaris.
L’òme a reconegut nòu partenças de fuòc en Menerbés, çò indiquèt lo procuraire de Besièrs, Yvon Calvet. Pasmens, l’òme es suspècte d’èsser a l’origina d’un quarantenat de fuòcs ongan e d’un vintenat arunan.
L’instruccion qu’es en cors deurà permetre de determinar lo nombre exacte d’incendis que lo suspècte i seriá implicat. Segon l’examen psiquatric ten una tendéncia a la piromania, çò indiquèt Calvet. Se se confirmavan las acusacions, poiriá èsser condemnat a 15 ans de preson.
L’òme a reconegut nòu partenças de fuòc en Menerbés, çò indiquèt lo procuraire de Besièrs, Yvon Calvet. Pasmens, l’òme es suspècte d’èsser a l’origina d’un quarantenat de fuòcs ongan e d’un vintenat arunan.
L’instruccion qu’es en cors deurà permetre de determinar lo nombre exacte d’incendis que lo suspècte i seriá implicat. Segon l’examen psiquatric ten una tendéncia a la piromania, çò indiquèt Calvet. Se se confirmavan las acusacions, poiriá èsser condemnat a 15 ans de preson.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Conselhèr municipal d'Olonzac ? Sonque ? Aquel òme deuriá ganhar en ambicion ! Un pompièr que bota fòc a sa quite tèrra, aquò s'apèla un deputat europèu, e mai un membre de la commission europèa. Te bota fòc a tota Euròpa meridionala, mai estacada qu'es, benlèu, a un referent social, mercés a una politica austeritarista d'ultradrèita (eurò fòrt e cap deficit), pèi t'arriban amb un asagador ultraliberal en clamant qu'an la soculcion ! E pr'aquò, un pauc coma a Montsegur, l'incèndi grèc branda totjorn… Aquel mariòl a d'avinir en Euròpa !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari