1. Lo viatge
Aquesta mapa publicada per rescue.org documenta los passes que los tròba un refugiat sirian dempuèi que partís de son país fins qu'arriba en Alemanha. Se basa sul testimoniatge d’un òme de trenta quatre ans que partiguèt d’Alèp amb sa familha en junh. La mapa explica tot çò que li arribèt pendent los dos meses que durèt son viatge.
2. L’itinerari
La BBC a fach tanben aquel recompte de l’itinerari seguit per la majoritat dels refugiats, que mòstra las estapas e los perilhs qu'implica caduna (clicatz sus la mapa per l'engrandir).
3. L’arribada en Ongria
Los refugiats sirians assajan d’arribar a la frontièra entre Serbia e Ongria, que de fach es la frontièra entre l'Espaci Schengen e Serbia. Se capitan a la traversar, i a pas mai de frontièra fins a lor destinacion en Alemanha o dins quin autre país que siá de l'Union Europèa, levat lo Reialme Unit.
La posicion del govèrn ongrés es fòrça dura. An bastit un mur provisòri e an retengut de refugiats e los an internats dins de camps. Lo Comitat Helsinki d’Ongria elabòra aquesta mapa de la situacion dins lo país.
4. En Euròpa cada estat fa una causa desparièra
Aqueste document grafic de Le Monde explica ont finisson los grops principals de refugiats e de quina manièra cada estat europèu adòpta per eles una politica particulara. S’i vei las demandas d’asil e las acceptacions e s’i marca quantes meses òm deu esperar per qu’una demanda siá acceptada, quant d’argent de sosten se dona dins cada estat e a partir de quin moment los refugiats pòdon trabalhar (clicatz sus la mapa per l'engrandir).
5. Los murs europèus
Euròpa bastís dempuèi d'annadas una seguida de murs amb l'intencion de barrar entièrament las frontièras. Aquesta mapa del Washington Post fa lo recompte dels murs que i a e d’aqueles que son a se bastir. Qualques unes dels murs son en defòra de las frontièras europèas, mas son finançats e exigits per Euròpa.
6. Ont son los refugiats sirians?
La granda majoritat dels refugiats sirians se tròba pas en Euròpa, mas dins los païses vesins, coma o explica aquesta mapa de Focus on Syria. (Clicatz sus la mapa per l'engrandir)
7. Trafegants: los que venon rics amb la tragèdia
Fa qualques setmanas, Newsweek publiquèt un article que revelava los noms dels organizaires principals dels malhums mafioses que passavan de refugiats per mar cap a Euròpa. Aquelas activitats son tan perilhosas coma lucrativas per eles (clicatz sus la mapa per l'engrandir).
8. Los refugiats dins lo Mond, un problèma de mai en mai grand
The Refugee Project es una mapa interactiva que documenta totes los fluxes de refugiats dins lo mond dempuèi 1974.
Font: Vilaweb
Aquesta mapa publicada per rescue.org documenta los passes que los tròba un refugiat sirian dempuèi que partís de son país fins qu'arriba en Alemanha. Se basa sul testimoniatge d’un òme de trenta quatre ans que partiguèt d’Alèp amb sa familha en junh. La mapa explica tot çò que li arribèt pendent los dos meses que durèt son viatge.
2. L’itinerari
La BBC a fach tanben aquel recompte de l’itinerari seguit per la majoritat dels refugiats, que mòstra las estapas e los perilhs qu'implica caduna (clicatz sus la mapa per l'engrandir).
3. L’arribada en Ongria
Los refugiats sirians assajan d’arribar a la frontièra entre Serbia e Ongria, que de fach es la frontièra entre l'Espaci Schengen e Serbia. Se capitan a la traversar, i a pas mai de frontièra fins a lor destinacion en Alemanha o dins quin autre país que siá de l'Union Europèa, levat lo Reialme Unit.
La posicion del govèrn ongrés es fòrça dura. An bastit un mur provisòri e an retengut de refugiats e los an internats dins de camps. Lo Comitat Helsinki d’Ongria elabòra aquesta mapa de la situacion dins lo país.
4. En Euròpa cada estat fa una causa desparièra
Aqueste document grafic de Le Monde explica ont finisson los grops principals de refugiats e de quina manièra cada estat europèu adòpta per eles una politica particulara. S’i vei las demandas d’asil e las acceptacions e s’i marca quantes meses òm deu esperar per qu’una demanda siá acceptada, quant d’argent de sosten se dona dins cada estat e a partir de quin moment los refugiats pòdon trabalhar (clicatz sus la mapa per l'engrandir).
5. Los murs europèus
Euròpa bastís dempuèi d'annadas una seguida de murs amb l'intencion de barrar entièrament las frontièras. Aquesta mapa del Washington Post fa lo recompte dels murs que i a e d’aqueles que son a se bastir. Qualques unes dels murs son en defòra de las frontièras europèas, mas son finançats e exigits per Euròpa.
6. Ont son los refugiats sirians?
La granda majoritat dels refugiats sirians se tròba pas en Euròpa, mas dins los païses vesins, coma o explica aquesta mapa de Focus on Syria. (Clicatz sus la mapa per l'engrandir)
7. Trafegants: los que venon rics amb la tragèdia
Fa qualques setmanas, Newsweek publiquèt un article que revelava los noms dels organizaires principals dels malhums mafioses que passavan de refugiats per mar cap a Euròpa. Aquelas activitats son tan perilhosas coma lucrativas per eles (clicatz sus la mapa per l'engrandir).
8. Los refugiats dins lo Mond, un problèma de mai en mai grand
The Refugee Project es una mapa interactiva que documenta totes los fluxes de refugiats dins lo mond dempuèi 1974.
Font: Vilaweb
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari