Actualitats
Crisi del refugiats: desesperada e multitudinària fugida a pè de Budapèst fins en Àustria
Afirman que las umiliciacions qu’an patidas en Ongria, aquò passa l’òsca
De milièrs de refugiats comencèron ièr una multitudinària marcha a pè de la gara de Budapèst fins a la frontièra d’Àustria. Es un camin de 250 quilomètres que faràn amb desespèr. Fatigats d’esperar, e après que la polícia assage de menar los refugiats de fòrça dins de camps. Fa fòrça jorns que manjan mal e que son fatigats, mas afirman que las umiliciacions qu’an patidas en Ongria, aquò passa l’òsca. La polícia gardava la partença de la granda marcha amb impoténcia e perplexitat.
Partiguèron de la gara principala de Budapèst, ont s’acampavan dos milierats de refugiats que volián partir en Alemanha. E mai s’avián la bilheta de tren, lo govèrn ongrés suspendèt los trens qu’anavan fins als païses d’Euròpa occidentala.
Resistisson dins un tren que los menava, enganats, a de camps de refugiats
Mentretant, a qualques 40 quilomètres de Budapèst, aperaquí 500 refugiats resistisson dins un tren. Pensavan qu’anavan en Àustria, mas la polícia los menava, enganats, a un camp de refugiats.
Après qualques tensions amb la polícia que los voliá traire del tren, los refugiats resistisson dedins en exigissent que lo tren contunhe son viatge fins a l’oèst d’Euròpa. De ciutadans ongreses lor an menat d’aiga e de noiridura.
Al meteis moment, de centenats de refugiats fugisson los camps de refugiats que son installats per tot lo país.
Orbán ditz que “la cristianetat europèa es en perilh”
De son costat, lo primièr ministre ongrés, criticat per barrar las frontièras e per empedir l’intrada dels refugiats, afirmèt: “s’òm a l’impression que sèm dispausats a aculhir tot lo mond” aquò seriá “una error morala”. Orbán suggerís que demoren en Turquia e Serbia, que son “de païses segurs” e qu’anen pas dins l’Union Europèa. Al delà, lo cap ongrés a mostrat son chepic que “la cristianetat europèa es practicament incapabla de manténer l’Euròpa crestiana” en tot remembrar que “la majoritat” dels refugiats “son de musulmans”. Aquelas argumentacions medievalas, qu’an per tòca d’alimentar los prepauses xenofòbs de son partit, las a fachas dins lo jornal alemand Frankfurter Allgemeine Zeitung. “Ara parlam de centenats de milièrs, mas l’an que ven parlarem de milions, e aquò a pas de fin. Veirem còp sec que sèm una minoritat dins lo nòstre pròpri continent”, çò afirmèt.
Partiguèron de la gara principala de Budapèst, ont s’acampavan dos milierats de refugiats que volián partir en Alemanha. E mai s’avián la bilheta de tren, lo govèrn ongrés suspendèt los trens qu’anavan fins als païses d’Euròpa occidentala.
Resistisson dins un tren que los menava, enganats, a de camps de refugiats
Mentretant, a qualques 40 quilomètres de Budapèst, aperaquí 500 refugiats resistisson dins un tren. Pensavan qu’anavan en Àustria, mas la polícia los menava, enganats, a un camp de refugiats.
Après qualques tensions amb la polícia que los voliá traire del tren, los refugiats resistisson dedins en exigissent que lo tren contunhe son viatge fins a l’oèst d’Euròpa. De ciutadans ongreses lor an menat d’aiga e de noiridura.
Al meteis moment, de centenats de refugiats fugisson los camps de refugiats que son installats per tot lo país.
Orbán ditz que “la cristianetat europèa es en perilh”
De son costat, lo primièr ministre ongrés, criticat per barrar las frontièras e per empedir l’intrada dels refugiats, afirmèt: “s’òm a l’impression que sèm dispausats a aculhir tot lo mond” aquò seriá “una error morala”. Orbán suggerís que demoren en Turquia e Serbia, que son “de païses segurs” e qu’anen pas dins l’Union Europèa. Al delà, lo cap ongrés a mostrat son chepic que “la cristianetat europèa es practicament incapabla de manténer l’Euròpa crestiana” en tot remembrar que “la majoritat” dels refugiats “son de musulmans”. Aquelas argumentacions medievalas, qu’an per tòca d’alimentar los prepauses xenofòbs de son partit, las a fachas dins lo jornal alemand Frankfurter Allgemeine Zeitung. “Ara parlam de centenats de milièrs, mas l’an que ven parlarem de milions, e aquò a pas de fin. Veirem còp sec que sèm una minoritat dins lo nòstre pròpri continent”, çò afirmèt.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La dreta es d'aquestes que abans de las eleccions te convidan a sopar, e una vegada faites te fan pagar a tu e plus quan siás al carrier te roban la cartera.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari