Actualitats
An fach las “reflexions collectivas necessàrias” per repensar l’occitanisme
L’universitat politica d’estiu auriá ben reüssit la tòca de “ganhar la dignitat en bastir un projècte per nòstre país”
Aperaquí 150 de personas se son amassadas aquesta dimenjada passada a Pòrt Leucata (Corbièras) dins un eveniment nomenat “la Dintrada” (“la Rintrada”), que passarà l’istòria coma lo moment que l’occitanisme s’amassèt amb d’expèrts dels movements socials e politics d’Occitània, Bretanha, Arpitània e Catalonha per far de “reflexions collectivas necessàrias”. L’eveniment es ben estat “un moment per aprene, partejar e fin finala comprene cossí podèm èsser occitans dins un mond qu’es acarat a tantas crisis (climatica, economica, politica, culturala)”, coma o anonciavan los organizaires.
Coorganizada pel Partit Occitan (PÒC) e l’Aliança Liura Europèa (ALE), e amb lo sosten del Parlament Europèu, l’universitat politica d’estiu auriá ben reüssit la tòca de “ganhar la dignitat en bastir un projècte per nòstre país”, segon çò que vesèm suls rets socials amb l’etiqueta #ladintrada.
En dos jorns se son succedits fòrça debats qu’an analisat l’encastre politic europèu, l’agricultura duradissa en Occitània, lo ròtle dels mèdias, los enjòcs institucionals amb la conscientizacion occitana, d’experiéncias ciutadanas dins la crisi politica, l’ofensiva occitanista davant la ratificacion de la Carta Europèa de las Lengas Regionalas o Minoritàrias, l’activacion de la mobilizacion occitana, la formacion d’activistas, e mai divèrses de projèctes politics. Tot aquò acompanhat d’animacions, de bons repaisses e d’una serada festiva.
Demièg los expèrts qu’interverguèron a l’eveniment podèm remarcar l’èx-vicepresident del Parlament Europèu e candidat a las eleccions regionalas per la granda nòva region del centre d’Occitània e Catalonha Nòrd, Gérard Onesta; lo deputat catalan Jordi Solé; l’eurodiputat roergàs José Bové; l’editor de France Televisions Jean-François Tealdi; lo senator aranés Paco Boya; lo conselhièr d’Aquitània Dàvid Grosclaude; Enzo Lesourt, conselhièr muncipal de Grenòble; Patric Roux, èx-director de l’Estivada de Rodés; Anne-Marie Hautant, conselhièra municipala d’oposicion a Aurenja; los jornalistas occitans Beneset Roux, Joan-Pèire Laval, Guilhem Gratiolet; e quitament lo capredactor de Jornalet, Ferriòl Macip.
L’organizacion de “la Dintrada” a anonciat que los debats son estats enregistrats e que seràn lèu disponibles.
#ladintrada tuits
Dàvid Grosclaude: « La Dintrada » : l’occitanisme politique invitait au débat / L’occitanisme qu’a debatut tota la dimenjada
Coorganizada pel Partit Occitan (PÒC) e l’Aliança Liura Europèa (ALE), e amb lo sosten del Parlament Europèu, l’universitat politica d’estiu auriá ben reüssit la tòca de “ganhar la dignitat en bastir un projècte per nòstre país”, segon çò que vesèm suls rets socials amb l’etiqueta #ladintrada.
En dos jorns se son succedits fòrça debats qu’an analisat l’encastre politic europèu, l’agricultura duradissa en Occitània, lo ròtle dels mèdias, los enjòcs institucionals amb la conscientizacion occitana, d’experiéncias ciutadanas dins la crisi politica, l’ofensiva occitanista davant la ratificacion de la Carta Europèa de las Lengas Regionalas o Minoritàrias, l’activacion de la mobilizacion occitana, la formacion d’activistas, e mai divèrses de projèctes politics. Tot aquò acompanhat d’animacions, de bons repaisses e d’una serada festiva.
Demièg los expèrts qu’interverguèron a l’eveniment podèm remarcar l’èx-vicepresident del Parlament Europèu e candidat a las eleccions regionalas per la granda nòva region del centre d’Occitània e Catalonha Nòrd, Gérard Onesta; lo deputat catalan Jordi Solé; l’eurodiputat roergàs José Bové; l’editor de France Televisions Jean-François Tealdi; lo senator aranés Paco Boya; lo conselhièr d’Aquitània Dàvid Grosclaude; Enzo Lesourt, conselhièr muncipal de Grenòble; Patric Roux, èx-director de l’Estivada de Rodés; Anne-Marie Hautant, conselhièra municipala d’oposicion a Aurenja; los jornalistas occitans Beneset Roux, Joan-Pèire Laval, Guilhem Gratiolet; e quitament lo capredactor de Jornalet, Ferriòl Macip.
L’organizacion de “la Dintrada” a anonciat que los debats son estats enregistrats e que seràn lèu disponibles.
#ladintrada tuits
Dàvid Grosclaude: « La Dintrada » : l’occitanisme politique invitait au débat / L’occitanisme qu’a debatut tota la dimenjada
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#6
"Qu'ei aquò la vòsta vision de "l'unitat occitana"? "
O ai pas jamai escondut soi nacionalista e sòci del PNO. Ai una bona memòria politica e me rapèli del temps quand lo Partit Occitan volia pas entener a parlar de trabalh politic amb lo PNO
En genièr de 2011 arribèt un pichon miracle En David Grosclaude mandèt lo let amb En Guilhem Latrubèsse la dinamica del Manifest Occitanista que desemboquèt sus la creacion de Bastir e l'eleccion d'un cinquantenat de conselhièrs municipals
Bastir amassava de sòcis del PÒC, del PNO e d'autres encartats enlòc que volian far avançar la causa occitana. Eran de monde los uns encartats d'esquèrra francesa, los autres encartats de dreita francesa e d'autres encara que se retròban pas dins aqueste clivatge enganaire. Erem totes lo rebat del pòble occitan dins sa diversitat democratica.
La labelizacion de las candidaturas etiquetadas Bastir es estada fèita per un comitat nacional occitan de pilotatge.
Vertat es que i aguèt una colhonada de las gròssas amb lo sosten portat al candidat socialista Habib sus Pau.
çò essencial es que per un còp los occitanistas provèron que podian trabalhar eficaçament amassas.
Per nosaus al PNO sèm dempuèi totjorn favorables a un front occitan amb los autres partits o gropets politics Iniciativa per Occitània, Libertat, PÒC/Endavant, Pais Nòstre.
Tant que farem pas atal bastirem pas l'ostal comun que s'apèra Occitània
Erratum:
"Que l'occitanisme politic e's BOTE au cuu de partits franchimands qu'ei un problèma mager" en non pas "bota". Desencusatz-me per la peca, qu'escrivi tròp viste...
#1:
"Lo pòple es absent, los occitans tanben. I a una elita que pensan per los autres"
Que soi desolat, mes la Dintrada qu'èra pro mediatizada e uberta a tot lo monde. Que sufíva de s'inscríver. Tots los que's sentivan concernats que podèvan viéner e escambiar.
Lo problèma mager qu'ei, mei que mei, la fèbla conciencia "occitanista" deu monde a l'entorn de nosautes que son meilèu francés deu sud-oest qu'occitans. E la des.hidança de mantuns occitanistas politics a l'encontre de la politica. E donc que son los medishs que s'i pegan...
#3:
Que l'occitanisme politic e's bota au cuu de partits franchimands qu'ei un problèma mager, que soi d'accòrd (n'avem pas, com en Bretanha o en Corsega de partit occitan pro representatiu). Mes que díser de la demarcha de Bastir! que consistiva a's hicar a la còrda de partits franchimands de tota traca entad esperar brigalhas de representativitat, en tot explicar que podèvam anar sia a gaucha, sia a dreta segon lo vent? Dab lo resultat que vedóm a Pau: los "representants" de l'occitanisme politic que hasón aliança dab David Habib, un antioccitanista deus piris! E un cambiament de lista au miei de la campanha de purmèr torn com a Tolosa (la sopa deu PS qu'èra mei bona que la d'EELV).
Qu'ei aquò la vòsta vision de "l'unitat occitana"? Hilh de puta, que hè enveja!
#2 Pas cap de revolucion occitana sens una revolucion, e pas cap de revolucion sens abolicion del capitalisme salvatge e de la dictatura ordoliberala europèa…
Cresi que cal un revelh occitan, com a catalan de las ilhas vos vesi coma un pauc aculhonats, ja se que la situacion es pas pariera, mas havets d'haver mai coratge, en los esdeveniments sempre sumar de mai, e esbandir lo pessimisme, las baralhas e discussions entre vosaltres. Una vegada ben pensada l'accion a seguir, tirar-s'hi de cap, sense dubtar-ho, sense paur,endavant amb força.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari