Actualitats
Bretanha: Troadec se “denóncia” al Front Nacional
Es sa responsa a las declaracions del candidat frontista a las regionalas que vòl denonciar las comunas qu’aculhisson de refugiats
Christian Troadec, primièr cònsol de Karaez (Bretanha), a anonciat que sa vila aculhís doas familhas de refugiats sirians dempuèi dos ans. Es aital que l’elegit breton respond a Gilles Pennelle, candidat del Front Nacional a las eleccions regionalas, qu’a anonciat son intencion de denonciar las comunas qu’aculhisson de refugiats.
En octòbre de 2013, e sens ne far publicitat, la vila bretona de Karaez aculhiguèt doas familhas d’Alèp, comptant cinc enfants, que fugiguèron la guèrra de Siria. “Son de ciutadans de Karaez que coneissián aquelas personas dins l’encastre de relacions professionalas que nos avián parlat d’elas e de lor situacion”, çò explica Troadec dins Libération. “Amb lo curat de la parròquia e d’associacions caritativas, aviam mes los mejans necessaris a lor aculhida”, çò es, dos lotjaments consagrats especificament a la foncion d’albergament social. “Quand s’aculhís, s’aculhís dins de bonas condicions. Es essencial qu’aquelas gents se pòscan reconstruire e aver un avenir”, çò explica Troadec.
De son costat, Pennelle avertís: “organizarem d’accions de propaganda politica contra totes los primièrs cònsols que van aculhir de refugiats”, e Troadec respond: “l’aculhida d’una autra familha siriana seriá possibla. Avèm un apartament de liure”.
En mai d’èsser primièr cònsol de Karaez, Christian Troadec es conselhièr departamental regionalista en Finistèrra e candidat a l’eleccion presidenciala francesa. Menaire del movement civic breton dels Bonets Roges, Troadec a decidit d’entamenar una candidatura regionalista a l’eleccion presidenciala francesa. Jornalet parlèt amb el en mai passat e ne publiquèt l’entrevista.
En octòbre de 2013, e sens ne far publicitat, la vila bretona de Karaez aculhiguèt doas familhas d’Alèp, comptant cinc enfants, que fugiguèron la guèrra de Siria. “Son de ciutadans de Karaez que coneissián aquelas personas dins l’encastre de relacions professionalas que nos avián parlat d’elas e de lor situacion”, çò explica Troadec dins Libération. “Amb lo curat de la parròquia e d’associacions caritativas, aviam mes los mejans necessaris a lor aculhida”, çò es, dos lotjaments consagrats especificament a la foncion d’albergament social. “Quand s’aculhís, s’aculhís dins de bonas condicions. Es essencial qu’aquelas gents se pòscan reconstruire e aver un avenir”, çò explica Troadec.
De son costat, Pennelle avertís: “organizarem d’accions de propaganda politica contra totes los primièrs cònsols que van aculhir de refugiats”, e Troadec respond: “l’aculhida d’una autra familha siriana seriá possibla. Avèm un apartament de liure”.
En mai d’èsser primièr cònsol de Karaez, Christian Troadec es conselhièr departamental regionalista en Finistèrra e candidat a l’eleccion presidenciala francesa. Menaire del movement civic breton dels Bonets Roges, Troadec a decidit d’entamenar una candidatura regionalista a l’eleccion presidenciala francesa. Jornalet parlèt amb el en mai passat e ne publiquèt l’entrevista.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo faissisme es contra tota logica, se la dreta e l'extrema dreta europea ajudan als islamistas d'extrema dreta a derrocar lo govern de Síria, e la gent fuguís perquè alhà es pot pas viure, per justícia quan venen aquí sels ha d'acolhir.
Nocion de front dit "nacional", mentre qu'es un front imperialista colonial e racista, mai que mai… Mas aquò's plan utile, per lordassar gents coma nosautres occitanistas, o coma Troadec : tre que defendèm las n`sotras nacins, passam per d'imperialistas racistas, atal… Aquí una polida pròba del contrari, ciutadan breton.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari