Actualitats
Fusilhada al centre de Marselha: un mòrt e cinc ferits
Cazeneuve a anonciat un plan global “extrèmament ofensiu” per luchar contra lo trafec e la detencion d’armas
Una fusilhada esclatèt dimenge de matin dins un bar de nuèch del centre de Marselha en fasent un mòrt e cinc ferits, segon çò que raportava La Provence.
Un grop auriá fach fuòc d’una veitura estant, amb una o mai d’una arma de calibre gròs, per se venjar après una disputa amb un vigil, segon los primièrs elements de l’enquèsta que lo procuraire de Marselha precisèt a l’AFP. A l’entorn de sièis oras del matin, una veitura de gròssa cilindrada “apareguèt quand e quand dins la carriera, e s’arrestèt. Lei passatgiers descendèron pas e tirèron”, çò descriu una font policièra. Moriguèt una persona que se trobava a l’exterior del bar, del temps que qualques unes, que se trobavan a l’interior, foguèron ferits per de balas o pels esclats de veire. Segon La Provence, los criminals avián tirat òrbament.
Segon lo jornal provençal es un miracle que i aja pas agut un masèl, ja que l’atac seguissiá un desacòrdi entre bandas, mas se sap pas s’es un litigi que comencèt qualques oras abans o s’es mai ancian. Per tant, La Provence remembra las tres victimas d’una fusilhada dins la Plaça de l’Opèra, après una discussion, en setembre de 2013.
Lo ministre de l’interior francés, Bernard Cazeneuve, anoncièt puèi que presentariá lèu un plan global “extrèmament ofensiu” per luchar contra lo trafec e la detencion d’armas.
Un mort et cinq blessés dans une fusillade à...por LaProvence
Un grop auriá fach fuòc d’una veitura estant, amb una o mai d’una arma de calibre gròs, per se venjar après una disputa amb un vigil, segon los primièrs elements de l’enquèsta que lo procuraire de Marselha precisèt a l’AFP. A l’entorn de sièis oras del matin, una veitura de gròssa cilindrada “apareguèt quand e quand dins la carriera, e s’arrestèt. Lei passatgiers descendèron pas e tirèron”, çò descriu una font policièra. Moriguèt una persona que se trobava a l’exterior del bar, del temps que qualques unes, que se trobavan a l’interior, foguèron ferits per de balas o pels esclats de veire. Segon La Provence, los criminals avián tirat òrbament.
Segon lo jornal provençal es un miracle que i aja pas agut un masèl, ja que l’atac seguissiá un desacòrdi entre bandas, mas se sap pas s’es un litigi que comencèt qualques oras abans o s’es mai ancian. Per tant, La Provence remembra las tres victimas d’una fusilhada dins la Plaça de l’Opèra, après una discussion, en setembre de 2013.
Lo ministre de l’interior francés, Bernard Cazeneuve, anoncièt puèi que presentariá lèu un plan global “extrèmament ofensiu” per luchar contra lo trafec e la detencion d’armas.
Un mort et cinq blessés dans une fusillade à...por LaProvence
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Contra las màfias: cultura. Una polida ciutat coma Marselha, lo port lo mai important de la Mediterranea, cal que sia tractada amb plus de cura, de proteccion coma la segonda capitala de l'estat. Mai presència de la lenga d'Oc, mai cultura propia, mai seguretat, mai inversion turistica, mai cura dels edificis e del urbanisme de la vila , manca finesa per part de govern de París. La polida Canavier e lo Port Vielh, la Cornissa, Nostra Senhora de la Garda, potser la plus belha ciutat del mond.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari