Actualitats
Los ministres de l’interior de l’UE se son pas meses d'acòrdi per reïnstallar los refugiats
Mentretant Ongria contunha de levar una barralha
Los ministres de l’interior dels païses de l’Union Europèa decidiguèron ièr d’adoptar l’acòrdi de julhet passat per repartir dins totes los païses de l’Union, dins los dos ans venents, los 40 000 refugiats arribats en Grècia e Itàlia. L’engatjament qu’an pres los estats fins ara arriba solament a 32 256 personas.
Aquel acòrdi “es un messatge politic important”, segon lo ministre de l’interior de Luxemborg, país qu’ongan presidís l’UE. Per lo ministre luxemborgés, l’acòrdi pemetrà “las primièras reïnstallacions de personas qu’an de besonh de proteccion internacionala”.
Aquela reünion deu servir a arribar a un consens sus la distribucion dels refugiats dins los estats de l’UE. Mas los païses de l’Euròpa centrala e orientala, coma Chequia, Ongria, Eslovaquia e Polonha, vòlon pas lo despartiment obligatòri. Ongria vòl quitament pas de refugiats. D’autres païses, coma Romania, vòlon quicòm en contrapartida, concretament far partida de l’Espaci Schengen, una condicion qu’ara es refusada a Romania a causa de son sistèma policièr e judiciari.
Segon lo president francés François Hollande, França e Alemanha quicharàn per que se crèe de centres de registrament de refugiats en Grècia, Itàlia e Ongria. De son costat, l’ÒNU exigís a l’Union Europèa de corredors de refugiats segurs e lor installacion.
Lo Reialme Unit e Danemarc participan pas al sistèma de despartiment de refugiats. Dementre, Irlanda a decidit de jónher l’acòrdi e mai s’auriá drech de lo refusar segon sos tractats amb l’UE.
Manifestacion revendicativa
Tanben ièr, e pereu a Brussèlas, se faguèt una manifestacion en favor dels refugiats.
Participèt a aquela protèsta Fatima Kurdi, la tanta d’Aylan Kurdi, l’enfant mòrt sus la plaja que sa fòto a virat dins lo Mond. Ela demandèt als govèrns europèus se s’acordar sus “un plan conjonch” per aculhir de refugiats coma sa familha, que se veson forçats de quitar lor país en fugissent las guèrras.
Ongria contunha de bastir la barralha e menaça los refugiats
Mentretant Ongria contunha de levar una barralha long de la linha del camin de fèrre, près de la frontièra amb Serbia. La polícia avertís que los qu’ensagen de sautar la barralha deuràn afrontar d’acusacions criminalas grèvas, amb de penas de preson o de deportacions.
Aquel acòrdi “es un messatge politic important”, segon lo ministre de l’interior de Luxemborg, país qu’ongan presidís l’UE. Per lo ministre luxemborgés, l’acòrdi pemetrà “las primièras reïnstallacions de personas qu’an de besonh de proteccion internacionala”.
Aquela reünion deu servir a arribar a un consens sus la distribucion dels refugiats dins los estats de l’UE. Mas los païses de l’Euròpa centrala e orientala, coma Chequia, Ongria, Eslovaquia e Polonha, vòlon pas lo despartiment obligatòri. Ongria vòl quitament pas de refugiats. D’autres païses, coma Romania, vòlon quicòm en contrapartida, concretament far partida de l’Espaci Schengen, una condicion qu’ara es refusada a Romania a causa de son sistèma policièr e judiciari.
Segon lo president francés François Hollande, França e Alemanha quicharàn per que se crèe de centres de registrament de refugiats en Grècia, Itàlia e Ongria. De son costat, l’ÒNU exigís a l’Union Europèa de corredors de refugiats segurs e lor installacion.
Lo Reialme Unit e Danemarc participan pas al sistèma de despartiment de refugiats. Dementre, Irlanda a decidit de jónher l’acòrdi e mai s’auriá drech de lo refusar segon sos tractats amb l’UE.
Manifestacion revendicativa
Tanben ièr, e pereu a Brussèlas, se faguèt una manifestacion en favor dels refugiats.
Participèt a aquela protèsta Fatima Kurdi, la tanta d’Aylan Kurdi, l’enfant mòrt sus la plaja que sa fòto a virat dins lo Mond. Ela demandèt als govèrns europèus se s’acordar sus “un plan conjonch” per aculhir de refugiats coma sa familha, que se veson forçats de quitar lor país en fugissent las guèrras.
Ongria contunha de bastir la barralha e menaça los refugiats
Mentretant Ongria contunha de levar una barralha long de la linha del camin de fèrre, près de la frontièra amb Serbia. La polícia avertís que los qu’ensagen de sautar la barralha deuràn afrontar d’acusacions criminalas grèvas, amb de penas de preson o de deportacions.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Una imatge val plus que mila paraulas. Aquò és la dreita e l'extrema dreita
Arabia Saudita, Qatar, Oman, los "Emirates", quand n'aculhisson de refugiats? Son pas fraires per aquò?
l'ONU , monument d'incapacitat, d'incoërença qu'amb sei cascos blus a jamai resougut un conflit d'un exigis d'un de sei principaus contributors financiers Euròpa que reçaupe tota la misèria dau mond. Perqué exigis pas dei pòbles fraires richissimes coma Arabia saodita, Qatar, emirats petroliers que reçaupe lei refugiats que pregarián ensems lo Profèta e defendrián son image en l'escondènt ai fidèus ? perqué son trop ocupats a faire la guerra ai chiïts al YEMEN e a fornir d'armas a DAESH ? coima disiá De Gaulle ; l'ONU, ce machin.... l'ONU, de qu'ei aqueu besingonha ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari