Actualitats
Ongria sagèla la frontièra e met en practica la lei antiimmigrants
Lo NACNUR a avertit que Serbia es pas capabla d’aculhir totes los refugiats
Ongria a barrat sas frontièras als refugiats. De milièrs de refugiats se tròban blocats en Serbia sens poder accedir a Ongria. E mai, ièr intrèt en vigor la lei ongresa que punís los qu’ensagen de sautar la barralha. Ara, intrar en Ongria pòt entraïnar d’acusacions criminalas grèvas, amb de penas de preson de fins a cinc ans o de deportacions cap a Serbia. Atanben, lo govèrn ongrés a anonciat la construccion d’una autra barralha long de la frontièra amb Romania.
Dins l’encastre d’aquesta nòva lei, la polícia ongresa a detengut e enseguit en justícia almens setze personas, venent de Siria e d’Afganistan: que son acusadas d’ensajar de degalhar la barralha e d’intrar illegalament en Ongria.
De son costat, Serbia a avertit qu’acceptarà pas los refugiats qu’Ongria ensage de remandar per la fòrça. Un ministre del govèrn sèrbe a assegurat que son en contacte amb las autoritats de Budapèst e qu’Ongria deurà dobrir la frontièra.
Lo Naut Comissiariat de las Nacions Unidas pels Refugiats (NACNUR) a avertit que Serbia es pas capabla d’aculhir totes los refugiats. Cada jorn se fa de nòus recòrds dins los diferents ponches frontalièrs.
Schengen en crisi
La decision del govèrn ongrés met encara mai en question los Acòrdis de Schengen que son un dels pilars de l’Union Europèa. Aqueles acòrdis, qu’eliminavan las frontièras intèrnas, trantalhan a causa de las dificultats dels sòcis europèus per arribar de s’endevenir e per gerir ensems la crisi dels refugiats. L’arribada massissa dels refugiats chepica tanben los govèrns d’Àustria, Eslovaquia e los Païses Basses, qu’an refortit los contraròtles frontalièrs.
Dins l’encastre d’aquesta nòva lei, la polícia ongresa a detengut e enseguit en justícia almens setze personas, venent de Siria e d’Afganistan: que son acusadas d’ensajar de degalhar la barralha e d’intrar illegalament en Ongria.
De son costat, Serbia a avertit qu’acceptarà pas los refugiats qu’Ongria ensage de remandar per la fòrça. Un ministre del govèrn sèrbe a assegurat que son en contacte amb las autoritats de Budapèst e qu’Ongria deurà dobrir la frontièra.
Lo Naut Comissiariat de las Nacions Unidas pels Refugiats (NACNUR) a avertit que Serbia es pas capabla d’aculhir totes los refugiats. Cada jorn se fa de nòus recòrds dins los diferents ponches frontalièrs.
Schengen en crisi
La decision del govèrn ongrés met encara mai en question los Acòrdis de Schengen que son un dels pilars de l’Union Europèa. Aqueles acòrdis, qu’eliminavan las frontièras intèrnas, trantalhan a causa de las dificultats dels sòcis europèus per arribar de s’endevenir e per gerir ensems la crisi dels refugiats. L’arribada massissa dels refugiats chepica tanben los govèrns d’Àustria, Eslovaquia e los Païses Basses, qu’an refortit los contraròtles frontalièrs.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo govern Ongarès és practicament d'extrema dreita. Va't ací la question.
Ongria contraven pas a Shengen qu'en barrant sei frontieras fai parier coma la canceliera Merkel, per de rasons majoras provisoriament. Ongria ei pereu en drech de faire sei propras lèis e de punir de preson. leis ongarès oblidon pas qu'au XVI° e una bona part dau XVII° an viscut sota la jog turc musulman.e se voletz èstre indignat à tota fòrça, conselhi de transferir vòstra indignacion vers Charlie Hebdo que dins son darrier numerò se trufa crudelament de l'enfant e dei refugiats negats, sensa faire prova de la compassion mediatica vouguda, que siam totis Charlie, parai !
Après Ceuta e Melilla, ara Ongria. Europencs, es polit d'aver d'illusions. Aquò de creire que se pòt destriar refugiets politics d'emigracion economica es pas qu'un pantais de tecnocratas. Pantaissem, pantaissem, mas gaitem tanben del costat de Tijuana. Totes los mejans meses en plaça pels estatsunians empachan pas las migracions. Mentre aquel mond es pas plan a cò seu, ne voldran partir. E de qué fan los governaments e, subretot, las multinacionalas e la banca per cambiar las causas dins los païses de partença?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari