Actualitats
Espanha cèrca lo sosten d’Obama contra l’independéncia de Catalonha
Aquela pression del govèrn espanhòl es arribada après la reüssida diplomatica del govèrn catalan al Congrès dels Estats Units
La campanha electorala de l’eleccion al Parlament de Catalonha e Aran es arribada als Estats Units. Lo president Barack Obama diguèt dimars passat, davant lo rei d’Espanha Felip VI, que los Estats Units son prigondament engatjats a manténer la relacion amb “una Espanha fòrta e unificada”, una expression qu’an interpretat coma una referéncia a la situacion de Catalonha e Aran. Pasmens, Obama evita de parlar de Catalonha e pronóncia la meteissa formula que diguèt arunan tocant lo referendum escocés. Obama se reüniguèt mièja ora amb lo rei espanhòl dins l’Ostal Blanc.
La diplomacia espanhòla fa qualque temps que fa tot çò possible per que Barack Obama se pronóncie contra l’independéncia de Catalonha. Lo govèrn espanhòl cercava un messatge contra un possible estat catalan davant los mèdias. I aguèt una situacion fòrça similara l’an passat, quand Mariano Rajoy se reüniguèt amb Obama dins lo burèu oval de l’Ostal Blanc e diguèt que Catalonha seriá pas independenta. Lo govèrn espanhòl sollicitèt los jornalistas espanhòls per que pausèsson la question, mas Obama evitèt d’i respondre e cediguèt la paraula a Rajoy.
Aquela pression del govèrn espanhòl es arribada après la reüssida diplomatica del govèrn catalan, que la setmana passada obtenguèt un avís de la Comission dels Afars Europèus del Congrès dels Estats Units en favor de l’autodeterminacion de Catalonha. Lo Congrès dels Estats Units aviá recebut una delegacion de la Generalitat de Catalonha per aver d’informacion dirècta sul procès d’independéncia. De representants del govèrn catalan se reüniguèron amb de membres de la comission parlamentària estatsunidenca per lor explicar cossí se passa lo procès cap a l’independéncia e las eleccions del 27 de setembre. Après l’amassada, divèrses congressistas se mostrèron favorables al drech d’autodeterminacion de Catalonha.
La diplomacia espanhòla fa qualque temps que fa tot çò possible per que Barack Obama se pronóncie contra l’independéncia de Catalonha. Lo govèrn espanhòl cercava un messatge contra un possible estat catalan davant los mèdias. I aguèt una situacion fòrça similara l’an passat, quand Mariano Rajoy se reüniguèt amb Obama dins lo burèu oval de l’Ostal Blanc e diguèt que Catalonha seriá pas independenta. Lo govèrn espanhòl sollicitèt los jornalistas espanhòls per que pausèsson la question, mas Obama evitèt d’i respondre e cediguèt la paraula a Rajoy.
Aquela pression del govèrn espanhòl es arribada après la reüssida diplomatica del govèrn catalan, que la setmana passada obtenguèt un avís de la Comission dels Afars Europèus del Congrès dels Estats Units en favor de l’autodeterminacion de Catalonha. Lo Congrès dels Estats Units aviá recebut una delegacion de la Generalitat de Catalonha per aver d’informacion dirècta sul procès d’independéncia. De representants del govèrn catalan se reüniguèron amb de membres de la comission parlamentària estatsunidenca per lor explicar cossí se passa lo procès cap a l’independéncia e las eleccions del 27 de setembre. Après l’amassada, divèrses congressistas se mostrèron favorables al drech d’autodeterminacion de Catalonha.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ara qu'a botat lo fuòc al lac, lo PP va veire Papà Obama en cridant "Ajuda!" Immadurs!
Cal esperar gran causa de los americans de color, qu'els han fait creire que Lincoln era un defesor de los negres e que facet la guerra al Sud per salvar-los de l'esclavatge. Paures, veuen pas que fou una guerra qu' organizet lo partit republican per apoderar-se del Sud e sas materias primeras com lo coton e lo cautxo e tot los estats confederats que passaren de ser liures a dependre del Nord.
Ai legir lo libre de Katy BERNARD : "Les mots d'Alienor" - ed : confluences. Quò es una bona presentacion dau segle d'Alienor e de sa familha.
A partir de 1170 la guerra prenguet lo pas sur lo fin amor. Los Plantagentes se fasian la guerra entre fils e pair. Los fils anavan solicitar lo sosten dau rei de França contre lòr pair qu'era rei d'Angleterra. Lo rei de França tal un raminagrobis 'chabet per minjar totas las possessions daus plantagenets en França, mesme las terras dau comte de Tolosa.
Catalans e Castillans porrian far parier en anant querre lo raminagrobis dau USA. Podan pas reglar lòr afar entre eus?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari