Actualitats
França bombardarà l’Estat Islamic “en legitima defensa”
“Lo president vòl demostrar que fa quicòm” tocant la crisi dels refugiats, çò ditz Moissi
França mandarà 14 avions de combat e un de transpòrt en una mission vèrs Siria per bombardar l’Estat Islamic. “O farem lo temps que serà necessari”, çò diguèt lo primièr ministre francés Manuel Valls, en tot reconéisser que França deuriá aver paciéncia.
Lo president francés François Hollande a drech de prene aquela decision sens consultar l’Assemblada estatala. Es per tant que, presa la decision, lo primièr ministre francés, Manuel Valls, expliquèt als parlamentaris la decision estatala.
Valls expliquèt qu’en Siria senhoreja lo caos e que de milions de personas fugisson Al Asad e las milícias de l’Estat Islamic. E mai, França es menaçada pels jihadistas, mai que mai pels que tornan de Siria. Segon de donadas oficialas, 491 ciutadans franceses an luchat en Iraq e Siria del costat dels jihadistas, dont 133 son mòrts. Lo primièr ministre diguèt exprèssament que desirava pas que los atacs contra l’Estat Islamic beneficièsson a Al Asad, mas expliquèt pas cossí fariá per o evitar. De fach, l’estat francés es pas intervengut en Siria precisament per aquela rason.
L’oposicion demandèt que se conversèsse amb Vladimir Putin per cercar son ajuda a una solucion politica al conflicte. Mas Valls refusèt.
Ara per ara, i aurà pas de mission terrèstra, mas se se formèsse una aliança larga amb los païses vesins de Siria e s’eles forniguèsson lo nombre de soldats que cal, França ajudariá
“Hollande es desconcertat”
Lo politològ francés Dominique Moissi crei qu’Hollande es desconcertat sus lo desastre dins Siria, coma ne son los autres govèrns occidentals. Mas perqué auriá decidit subte d’intervenir? Lo motiu seriá estada la crisi dels refugiats, çò ditz Moissi, “lo president vòl demostrar que fa quicòm”. En mai d’aquò, Hollande se sentís quichat pels arguments de l’oposicion, qu’exigís de restablir l’òrdre en Siria per resòlver l’origina de la crisi dels refugiats. Tant los Republicans coma lo Front Nacional desiran d’evitar una nòva èrsa migratòria en França.
Lo president francés François Hollande a drech de prene aquela decision sens consultar l’Assemblada estatala. Es per tant que, presa la decision, lo primièr ministre francés, Manuel Valls, expliquèt als parlamentaris la decision estatala.
Valls expliquèt qu’en Siria senhoreja lo caos e que de milions de personas fugisson Al Asad e las milícias de l’Estat Islamic. E mai, França es menaçada pels jihadistas, mai que mai pels que tornan de Siria. Segon de donadas oficialas, 491 ciutadans franceses an luchat en Iraq e Siria del costat dels jihadistas, dont 133 son mòrts. Lo primièr ministre diguèt exprèssament que desirava pas que los atacs contra l’Estat Islamic beneficièsson a Al Asad, mas expliquèt pas cossí fariá per o evitar. De fach, l’estat francés es pas intervengut en Siria precisament per aquela rason.
L’oposicion demandèt que se conversèsse amb Vladimir Putin per cercar son ajuda a una solucion politica al conflicte. Mas Valls refusèt.
Ara per ara, i aurà pas de mission terrèstra, mas se se formèsse una aliança larga amb los païses vesins de Siria e s’eles forniguèsson lo nombre de soldats que cal, França ajudariá
“Hollande es desconcertat”
Lo politològ francés Dominique Moissi crei qu’Hollande es desconcertat sus lo desastre dins Siria, coma ne son los autres govèrns occidentals. Mas perqué auriá decidit subte d’intervenir? Lo motiu seriá estada la crisi dels refugiats, çò ditz Moissi, “lo president vòl demostrar que fa quicòm”. En mai d’aquò, Hollande se sentís quichat pels arguments de l’oposicion, qu’exigís de restablir l’òrdre en Siria per resòlver l’origina de la crisi dels refugiats. Tant los Republicans coma lo Front Nacional desiran d’evitar una nòva èrsa migratòria en França.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Mas primier ha de demandar permís a son amo, lo pentagon, e segur que li dirà que n'hi dona pas.
"E mai, França es menaçada pels jihadistas, mai que mai pels que tornan de Siria"
Es una galejada? Laissan de jiadistas tornar tranquilon en França???
La França bombarda d'òmis qu'a armat fa pauc per contrar El Assad.. es l'istòria que repepia un còp mai
Propaganda electorala avant las eleccions regionalas?
A! la dictatura de l'opinion publica pus fòrta que la chambra daus deputats!
Creda: " fau far quauqua ren, fau far quauaue ren!"
L'ambiguitat es dins lo quauqua ren. Lo quauqua ren quò es la securitat, l'òrdri que chau totjorn devançar aqui dessus la dreicha e lo Front Nacional. La solucion quò es la guerra, la repression, los bombardaments... "Quò es totjorn la mesma tendença que ganha dins lo parti socialiste" disia un comuniste vers la fin de las annadas 70 a un socialiste au moment ente lo patit socialiste s'elonhava dau programme commun sinhat en 1972 entre los dos partits.
Òc, ara lo mond son "vai-te'n guèrra", mas al primièr mòrt, cambiaran de vejairesulpic coma las populaças de Luky Luke: E: de qué fasèm aval? E: que se petacen! E: que son pas nòstres caulets... Lo Moissi doblida de dire que la primièra analisi d'Hollanda èra la bona: intervenir de seguida abans que los malfasents fagociten la revòlta contra Assad. Mas digùs se volguèt banhar dins aqueste afar. Se voliàn contentar de picar de las mans coma pel Mali!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari