Actualitats
Joan Saubrement nos a quitats
Marinièr marchand, èra l’autor dels libres D’una mar a l’autra e D’una guèrra a l’autra
L’escrivan e militant occitanista provençal Joan Saubrement es mòrt als 81 ans d’edat. La marrida nòva arribèt arser a la redaccion de Jornalet de la man de la FÈLCO e de l’Ostau dau País Marselhés.
Saubrement èra l’autor dels libres D’una mar a l’autra e D’una guèrra a l’autra que l’IDÈCO los publiquèt en 2009 e 2014 respectivament.
“Originari de Lorena, oficièr de la marina marchanda, s’èra maridat amb Peireta, provençala membre del Felibritge, e s’èra mes a aprene la lenga nòstra amb paciéncia e passion. S’èra format a la paleografia e organizava de talhièrs als Rescontres Occitans de Provença”, çò explica l’escrich de la FÈLCO.
“E los ensenhaires de l’Universitat de Montpelhier se sovenon tanben qu’es estat un d’aqueles militants que dins lor practica sabián ja pro de causas, mas que consideravan coma important d’o completar en seguissent un ensenhament universitari que l’a menat fins a la licéncia”, çò apond la FÈLCO, que conclutz en disent: “l’oblidarem pas e disèm nòstra amistat a Peireta e a sos enfants” .
De son costat, l’Ostau dau País Marselhés exprimís sa granda tristesa. “Siás estat un companh de l’Ostau tre la començança de l’associacion”, çò dison la còla marselhesa del temps que remembran qu’es gràcias a el qu’an pogut publicar las cançons provençalas de Victor Gelú e lo recuèlh Laissarem Degun de Roland Pécout.
“Tu qu’èras marinier, entamenas encuei ton darrier grand viatge devèrs de ribas que te li rejonherem un d’aquelei jorns per se secar un gòt en remembrança deis annadas que te vegueriam passar au nòstre locau ò alhors. T’oblidarem pas. A lèu Joan!”
Saubrement èra l’autor dels libres D’una mar a l’autra e D’una guèrra a l’autra que l’IDÈCO los publiquèt en 2009 e 2014 respectivament.
“Originari de Lorena, oficièr de la marina marchanda, s’èra maridat amb Peireta, provençala membre del Felibritge, e s’èra mes a aprene la lenga nòstra amb paciéncia e passion. S’èra format a la paleografia e organizava de talhièrs als Rescontres Occitans de Provença”, çò explica l’escrich de la FÈLCO.
“E los ensenhaires de l’Universitat de Montpelhier se sovenon tanben qu’es estat un d’aqueles militants que dins lor practica sabián ja pro de causas, mas que consideravan coma important d’o completar en seguissent un ensenhament universitari que l’a menat fins a la licéncia”, çò apond la FÈLCO, que conclutz en disent: “l’oblidarem pas e disèm nòstra amistat a Peireta e a sos enfants” .
De son costat, l’Ostau dau País Marselhés exprimís sa granda tristesa. “Siás estat un companh de l’Ostau tre la començança de l’associacion”, çò dison la còla marselhesa del temps que remembran qu’es gràcias a el qu’an pogut publicar las cançons provençalas de Victor Gelú e lo recuèlh Laissarem Degun de Roland Pécout.
“Tu qu’èras marinier, entamenas encuei ton darrier grand viatge devèrs de ribas que te li rejonherem un d’aquelei jorns per se secar un gòt en remembrança deis annadas que te vegueriam passar au nòstre locau ò alhors. T’oblidarem pas. A lèu Joan!”
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Un amic de luènh e un militant formidable
La ròda vira de segur mas çò qu'es estat compli demòra
Adieu, l'òme
Perdèm un grand occitanista, quina tristesa!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari