Actualitats
La còla de Jornalet venèm sòcis de la FIMÒC
L’ADÒC es estada aculhida a la FIMÒC pendent la siá amassada a l’Estivada
L’Associacion entara Difusion d’Occitània en Catalonha (ADÒC) produsís, dempuèi qualques annadas, l’Infòc, l’informatiu occitan de Barcelona TV, e a mes recentament en marcha lo jornal web Jornalet.
L’amassada de la Federacion Interregionala de Mèdias Occitans (FIMÒC) a planvengut los nòus sòcis en tot soslinhar l’importància de la collaboracion entre los diferents mèdias (ràdio, television e premsa escricha sus papièr o sus Internet) per bastir un malhum informatiu occitan qu’arribe a tot lo país.
Dins aquela amassada, Radio Beckwith, una ràdio de las Valadas qu’a qualque programacion en occitan, venguèt tanplan sòci de la Federacion.
Al delà dels nòus sòcis, la FIMÒC amassa Vistedit, editor de La Setmana, lasetmana.fr, Plumalhon e Papagai; Ràdio País, Ràdio Occitània, Ràdio Lengadòc Narbona, Paraulas en Òc, Ràdio Albigés, Radio Coupo Santo e Radio Périgueux.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari