Actualitats
Lo Parlament Europèu a votat d’urgéncia la proposicion de repartir 120 000 refugiats dins los estats de l’UE
Diluns, la reünion dels ministres de l’interior trobèt pas l’acòrdi sus aquela question
Lo Parlament Europèu a votat d’urgéncia, aqueste dijòus passat, la proposicion de la Comission Europèa per repartir 120 000 refugiats dins los estats membres, mejançant un sistèma de quòtas. Lo president de l’Eurocambra, Martin Schulz, prepausa de far un vòte d’urgéncia perque las institucions europèas devon demostrar que son dispausadas a agir per resòlver la crisi dels refugiats. Diluns passat, los ministres de l’interior foguèron pas capables de pachar lo mecanisme de despartiment dels 120 000 refugiats, que segon la proposicion iniciala de Brussèlas seriá obligatòri. Eslovaquia, Chequia, Polonha e Ongria s’i opausan frontalament, del temps qu’Alemanha, França e Espanha la defendon.
Dins la dobertura de la session plenièra a Brussèlas, Martin Schulz demandèt als eurodeputats qu’acceptèsson la proposicion e los eurodeputats acceptèron la demanda. Es pr’amor d’aquò que se votèt, per fin que lo Parlament Europèu envièsse un messatge als estats membres e a l’opinion publica sus sa posicion per resòlver la crisi dels refugiats.
“Es urgent d’arribar a un consens dins l’Union Europèa. Nos cal donar una responsa, presentar la nòstra posicion, que los ciutadans vejan que lo Parlament Europèu fa lo sieu trabalh”, çò diguèt Claude Moraes, president de la Comission de las Libertats Civilas, de la Justícia e de l’Interior. Segon el, l’abséncia d’acòrdi dels estats es una “manca” e cal que lo Parlament Europèu se pronóncie per “exprimir la solidaritat europèa” dins tota aquela crisi.
Diluns los ministres de l’interior aprovèron lo despartiment de 40 000 demandants d’asil que son a l’ora d’ara en Itàlia e Grècia: una proposicion qu’aviá ja acceptat lo Parlament qualques jorns abans, mas qu’en seguida de la crisi actuala s’es averada insufisenta. Mas la segonda proposicion de Jean-Claude Juncker, la de repartir entre los estats 120 000 refugiats de mai —fins a arribar a la chifra totala de 160 000— trobèt pas l’acòrdi.
Pr’amor que lo Parlament se deu tanben exprimir sus aquela segonda proposicion, Martin Schulz decidiguèt d’avançar lo vòte, per fin que l’opinion de l’Eurocambra foguèsse ja clara abans la nòva reünion extraordinària dels ministres de la justícia e de l’interior, que se deu far lo 22 de setembre que ven. Qualques estats, coma Eslovaquia, demandan una reünion extraordinària dels caps d’estat e de govèrn per tractar dels refugiats.
Dins la dobertura de la session plenièra a Brussèlas, Martin Schulz demandèt als eurodeputats qu’acceptèsson la proposicion e los eurodeputats acceptèron la demanda. Es pr’amor d’aquò que se votèt, per fin que lo Parlament Europèu envièsse un messatge als estats membres e a l’opinion publica sus sa posicion per resòlver la crisi dels refugiats.
“Es urgent d’arribar a un consens dins l’Union Europèa. Nos cal donar una responsa, presentar la nòstra posicion, que los ciutadans vejan que lo Parlament Europèu fa lo sieu trabalh”, çò diguèt Claude Moraes, president de la Comission de las Libertats Civilas, de la Justícia e de l’Interior. Segon el, l’abséncia d’acòrdi dels estats es una “manca” e cal que lo Parlament Europèu se pronóncie per “exprimir la solidaritat europèa” dins tota aquela crisi.
Diluns los ministres de l’interior aprovèron lo despartiment de 40 000 demandants d’asil que son a l’ora d’ara en Itàlia e Grècia: una proposicion qu’aviá ja acceptat lo Parlament qualques jorns abans, mas qu’en seguida de la crisi actuala s’es averada insufisenta. Mas la segonda proposicion de Jean-Claude Juncker, la de repartir entre los estats 120 000 refugiats de mai —fins a arribar a la chifra totala de 160 000— trobèt pas l’acòrdi.
Pr’amor que lo Parlament se deu tanben exprimir sus aquela segonda proposicion, Martin Schulz decidiguèt d’avançar lo vòte, per fin que l’opinion de l’Eurocambra foguèsse ja clara abans la nòva reünion extraordinària dels ministres de la justícia e de l’interior, que se deu far lo 22 de setembre que ven. Qualques estats, coma Eslovaquia, demandan una reünion extraordinària dels caps d’estat e de govèrn per tractar dels refugiats.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Està força ben acò, mas de passada l'UNE que diga a N'Obama de deisse de far la guerra a Síria, perquè Europa ja no pot pas haver plus refugiats. Mas lo cagat d'Obama davant los seus militars s'acolhona de tal manera que ja no els diu res.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari