Facebook completarà lo boton “m’agrada” amb de nòvas foncions per marcar la tristesa o lo desgost. “Se partejatz quicòm de trist, coma de faches sus la crisi dels refugiats que vos esmòvon, o qu’un parent vòstre es mòrt, pòt èsser malaisit de marcar un «m’agrada» sus aquela nòta… Pensi qu’es important de donar a las gents mai d’opcions”, çò diguèt lo cap de Facebook, Mark Zuckerberg, aquesta setmana passada, dins una sesilha de questions e de responsas dins lo sèti de la societat.
 
“Totes los moments son pas bons”, çò apondèt lo fondador de Facebook, que fins ara s’èra totjorn mostrat opausat a completar lo boton “m’agrada” amb una foncion per indicar “m’agrada pas”.
 
Zuckerberg a precisat que dempuèi un cèrt temps una còla de Facebook i trabalha, e tanben que lèu apareisserà l’opcion en fasa d’assag, que se sap pas encara quina forma adoptarà.