Actualitats
Manifestacion dels independentistas escoceses, un an puèi
Se debanèt dissabte un acamp a Glasgow que foguèt plan reüssit. Anóncian que contunharàn de trabalhar per l’estat escocés
Lo George Square de Glasgow, dissabte passat, èra comol de manifestants en favor de l’independéncia d’Escòcia, un an après lo referendum ont, dins aquela vila, ganhèt l’òc. L’organizacion de la mobilizacion “Hope over Fear” (l’esperança al dessús de la paur) a volgut lançar lo messatge que lo camin cap a un estat pròpri escocés contunha.
E mai se l’acamp èra pas autorizat pel govèrn local, se faguèt en tot cas e durèt tota la jornada, amb de discorses de divèrsas personalitats. Los assistents portavan de bandièras escocesas e tanben s’i podiá veire qualque drapèl independentista catalan.
L’independentisme creis
Lo movement independentista, luènh de se desgonflar, a pas cessat de créisser dempuèi lo vòte d’arunan. Pauc de setmanas après lo referendum, lo Partit Nacional Escocés (SNP, segon sa sigla en anglés) multiplicava per cinc sos militants e, qualques meses puèi, en mai passat, ganhava categoricament las eleccions britanicas en Escòcia: obtenguèt 56 sètis dels 59 qu’èran en jòc, en amassant lo 50% dels vòtes.
L’independentisme prenguèt mai de fòrça fa qualques setmanas amb l’aparicion de RISE, una nòva aliança de l’esquèrra anticapitalista e independentista. Lo nom significa “se levar” en anglés, mas es es tanben l’acronim de “Respect, Independence, Socialism and Environmentalism” (respièch, independéncia, socialisme e environamentalisme). E los sondatges publicats recentament tanben refortisson aquela idèa de creissença independentista: lo sondatge d’Ipsos MORI per la Television Escocesa (STV), publicat al començament de setembre, indica que la situacion es capvirada per rapòrt al referendum d’arunan: lo 53% dels escoceses votarián per l’independéncia e lo 44% contra.
Una deputada del parlament escocés, Christina MacKelvie, explicava en agost dins l’Universitat Catalana d’Estiu, celebrada en Conflent, que l’SNP se prepara per convocar un segond referendum “independentament de se Londres es d’acòrdi o non”.
“Fa un an, lo mond votèron de non en escambi de mai d’autogovèrn, ara cal votar de òc perque la promessa s’es evaporada”, çò disiá. De fach, los tres caps mai importants dels partits unionistas (conservators, laboristas e liberals) prometèron qualques jorns abans lo referendum un ensemble de melhoraments de l’autogovèrn, de la capacitat fiscala e de la politica economica. Mas un puèi, los melhoraments son pas arribats e la victòria de David Cameron per majoritat absoluda daissa pauc de marge per las negociacions.
La primièra espròva de fuòc per avalorar qu’un nòu referendum capite ben seràn las eleccions escocesas previstas en mai de 2016. A l’ora d’ara los sondatges predison que l’SNP poiriá aténher 79 deputats suls 129 dins lo Parlament escocés. Se se confirmava, seriá un resultat categoric. A l’ora d’ara l’SNP a 65 deputats.
E mai se l’acamp èra pas autorizat pel govèrn local, se faguèt en tot cas e durèt tota la jornada, amb de discorses de divèrsas personalitats. Los assistents portavan de bandièras escocesas e tanben s’i podiá veire qualque drapèl independentista catalan.
L’independentisme creis
Lo movement independentista, luènh de se desgonflar, a pas cessat de créisser dempuèi lo vòte d’arunan. Pauc de setmanas après lo referendum, lo Partit Nacional Escocés (SNP, segon sa sigla en anglés) multiplicava per cinc sos militants e, qualques meses puèi, en mai passat, ganhava categoricament las eleccions britanicas en Escòcia: obtenguèt 56 sètis dels 59 qu’èran en jòc, en amassant lo 50% dels vòtes.
L’independentisme prenguèt mai de fòrça fa qualques setmanas amb l’aparicion de RISE, una nòva aliança de l’esquèrra anticapitalista e independentista. Lo nom significa “se levar” en anglés, mas es es tanben l’acronim de “Respect, Independence, Socialism and Environmentalism” (respièch, independéncia, socialisme e environamentalisme). E los sondatges publicats recentament tanben refortisson aquela idèa de creissença independentista: lo sondatge d’Ipsos MORI per la Television Escocesa (STV), publicat al començament de setembre, indica que la situacion es capvirada per rapòrt al referendum d’arunan: lo 53% dels escoceses votarián per l’independéncia e lo 44% contra.
Una deputada del parlament escocés, Christina MacKelvie, explicava en agost dins l’Universitat Catalana d’Estiu, celebrada en Conflent, que l’SNP se prepara per convocar un segond referendum “independentament de se Londres es d’acòrdi o non”.
“Fa un an, lo mond votèron de non en escambi de mai d’autogovèrn, ara cal votar de òc perque la promessa s’es evaporada”, çò disiá. De fach, los tres caps mai importants dels partits unionistas (conservators, laboristas e liberals) prometèron qualques jorns abans lo referendum un ensemble de melhoraments de l’autogovèrn, de la capacitat fiscala e de la politica economica. Mas un puèi, los melhoraments son pas arribats e la victòria de David Cameron per majoritat absoluda daissa pauc de marge per las negociacions.
La primièra espròva de fuòc per avalorar qu’un nòu referendum capite ben seràn las eleccions escocesas previstas en mai de 2016. A l’ora d’ara los sondatges predison que l’SNP poiriá aténher 79 deputats suls 129 dins lo Parlament escocés. Se se confirmava, seriá un resultat categoric. A l’ora d’ara l’SNP a 65 deputats.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Vinaga, vinga que això s'anima.
Ah, i desprès que vindrà?
Visca la Terra...Lliure!
"Tàrrega".
Cal assajar novament votar per la independència en un referendum o proclamant directement lo partit guanyador la independència. Atal los jubilats votaran lo que volen realament.
manif'stacion dels independistas un an après, te balhi -gratis pro deo-quauquei consèus tocant l'adverbe puèi coma lo fèm servir dins la lenga parlada aici, au mieu : es puèi pas vengut-il n'est finalement pas venu,- a plogut tant e puèi mai,- il a plu tant et plus, me sembla puèi que-il me semble donc que.... dins lo cas de l'independéncia de l'Escossa,que puèi podèm sovetar, as d'emplegar après -antonim d'abans; doncas manifestacion dels independentistas un an après
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari