Actualitats
D’ont fugisson los refugiats?
Vilaweb prepausa una passejada virtuala, amb de vidèos immersius, dins las vilas devastadas de Siria
Quatre ans e mièg après la guèrra, de desenats de milièrs de sirians an començat de quitar en massa lo país aqueste estiu e an generat la crisi de refugiats mai importanta en Euròpa dempuèi la Segonda Guèrra Mondiala. Se tracta en general de familhas que fugisson la violéncia senhorejant en Siria, qu’a daissat lo país devastat. Qualques vidèos de format immersiu permeton de se far una idèa de l’estat que s’i tròban qualques unas de las vilas sirianas que los refugiats ne son partits.
Al mitan d’agost s’enregistrèt lo vidèo entitolat Welcome to Aleppo (Benvenguts a Alèp), un filme de 360 gras fach per l’organizacion Ryot. Durant tres minutas mòstra las carrièras desèrtas e abandonadas de l’ancian centre comercial d’Alèp:
Fa qualques jorns se faguèt aqueste autre vidèo, elaborat per las agéncias de jornalisme immersiu Smart e Okio Report, qu’amb la meteissa tecnologia de 360 gras emplaça l’espectator al còr de la vila de Jisr Al Shughr, ara fantasmagorica, al nòrd del país:
E lo documentari de realitat virtuala Clouds Over Sidra (Nívols sus Sidra), enregistrat per l’organizacion VRSE Works a la demanda de l’ÒNU, se centra de son costat sus la vida vidanta d’una drolleta dins lo camp de refugiats sirians de Zaatari, en Jordania, ont demòran gaireben cent mila refugiats sirians.
Al mitan d’agost s’enregistrèt lo vidèo entitolat Welcome to Aleppo (Benvenguts a Alèp), un filme de 360 gras fach per l’organizacion Ryot. Durant tres minutas mòstra las carrièras desèrtas e abandonadas de l’ancian centre comercial d’Alèp:
Fa qualques jorns se faguèt aqueste autre vidèo, elaborat per las agéncias de jornalisme immersiu Smart e Okio Report, qu’amb la meteissa tecnologia de 360 gras emplaça l’espectator al còr de la vila de Jisr Al Shughr, ara fantasmagorica, al nòrd del país:
E lo documentari de realitat virtuala Clouds Over Sidra (Nívols sus Sidra), enregistrat per l’organizacion VRSE Works a la demanda de l’ÒNU, se centra de son costat sus la vida vidanta d’una drolleta dins lo camp de refugiats sirians de Zaatari, en Jordania, ont demòran gaireben cent mila refugiats sirians.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Tranquils que hi ha los russos que protegeixon los sirians. La pentagona solament farà lo que sap far, pagar sos mercenaris islamistas d'extrema dreta, com feren a Bòsnia, e ficar-se per tot, mas a Siria hi ha los milhor pilots russos e, ja en poden pegar de bots la cia amb sos pagats los islamistas radicals, assassinar la población civil. Però la pentagona ho té perdut, e tot lo mond sap que son eles que fan aquestas barbaritats.
aqueleis imatges me ramentan l'aspècte dei ciutats alemandas en 1945 que quauqueis annadas pus tard ai pogut constatar de visu, seis abitants non podián se refugiar enluòc, tanbèn an escurçat sei margues e an tot rebastit de nòu. quora la guèrra serà fenida en Siria e en Iraq, tornaràn lei refugiats ? faràn parier coma leis alemands. se siam optimistas, dins un parèu d'ans , benlèu que Daesh serà vincut e coma dins la banda de Gazà, serà un còp de mai l'Euròpa que vo li reconstrurà lei vilas e lei refugiats totjorn assistats boniàs se li reinstalaràn, a mens que restèsson aici. l'istòria es sempre un enigma. e lei fidèus de Maomet an ren de germanics
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari